Zorionak maiatzaren 28kooi!

Pentsatzen dut gehientsuenek zuzenean eta egun berean (edo bezperan) zorionduko zintuztetela baina gainontzekoak ere gogoratu gara (bestela Hitzan begiratu eta listo). Beheko argazkiak ikusita, eta hori hasiera besterik izango ez zela pentsatuta, ondo ospatua geratuko zen. Baina jakinmina piztu didazue... Kontatu pixkat gehiago...Zer gertatu zen gero, arratsaldearen bukaeran, iluntzean...Azken argazkikoa nor da? Zer esan nahi du horrek?
Dena dela, ZORIONAK ASTI ETA AXI!

Arrainik ez, baina giro ederra eta maitasuna, tope!

Atal honi AKI HAY PIURA deitu beharko geniokeela proposatu zuen aurreko astean Olatxok, baina larunbatekoa ikusita, KORAZON KORAZON ere izan zitekeen... Izan ere, arrantzarako plana behar zuenak ez zuen zerikusi handirik izan arrantzarekin, eguerdian bina sardina jan bagenituen ere (espabilatuenek, hiru).

Puntualitate askorik gabe hasi zen agertzen jendea Aser eta Kattaren etxe atarira, baina azkenean koadrilako hamabi lagun ere elkartu ginen Urdaneta tabernan.


Behin arrantzara joatea beste baterako uztea erabaki ondoren, Getariako Euskal Jai egunera joan ginen eta, egia esan, parrandarako gogoa sumatzen zen hasieratik...


Flipa... santuei laguntza ere eskatu zieten batzuk...


Baina auskalo zer ulertu zuten santuek!


Parranda ederra bota genuela agerikoa da, oraindik arratsaldeko 16:00ak zirela kontuan hartuta behintzat...


Beste batzuk, berriz, santuen laguntza askorik gabe moldatzen dira...


[Badakigu KORAZON KORAZON aipatu dugula hasieran, eta maitasuna tituluan, baina argazki batzuk gordetzea erabaki du Piurarekn Komite Nagusiak. Baina... ummmm... badakizue: maite zaituztegu!!!]

Muxuak denoi!

PKN

BIHAR, 11:00ETAN, ASERREN ETXEKO ATARIAN

Bertsolariei, bat-batekotasuna gustukoa duzuenoi, inprobisatzaileei, arrantzale kaxkarrei, anarkistei, oraindik gazte sentitzen direnei, parrandarako gogoa dutenei, bakarrik sentitzen direnei, lagunartean egoteko gogoa dutenei, antolatzaile makalak direnei...
BIHAR, LARUNBATA, 11:00ETAN, ASERREN ETXEKO ATARIAN, AZKEN PORTUN.

[Eta gero ikusiko dugu nora joan, arrantza egin ala ez, non bazkaldu eta gainerako guztia].

Ale, bihar arte!

PKN

ING DIRECT Banku birtualarekin kontuak dituztenentzat...

Gaur goizean iritsi zaidan kontua da, eta ez zait Internet bitartez iritsi. Nahiko zuzenean iritsitako kontua da. Ez dakit dagoeneko bolo bolo dabilen kontua den, baina nik badaezpada esan beharra daukat. Datozen egunotan ING DIRECT banku birtuala interbenitu egingo duten zurrumurrua iritsi zait. Azken aldian entzuten diren fraude guztiak kontutan hartuta ez da txantxetako kontua.

Xabi

ARRANTZA EGUNA

Larunbateko plana aurrera al tziak? Ez leoke gaizki txalupa lortzea, zer iruditzen? Astik txalupa eramateko baimena badu eta ni txalupa lortzen saia ninteke, baina horretarako lehenbailehen mugitu beharko nintzateke. Krixton plana iruditzen zait, eta egun hauetako eguraldia mantenduz geo earki pasatzeko aukera izango diau. Bestalde ura hotza baldin badago ere neopreno jantziak lortuz geo Mollarri alden edo Orioko mojoi inguruan arrantzarik egin gabe itsasazpiaz gozatzeko aukera izan genezake (6 bat pare aleta eta betaurrekoak lortzeko ez dut arazorik). Bazkaltzeko aukera ezberdinak daude, sozietatea, parrillada bat nonbait, ... Beaz zuen ideien zain geatzen naiz, ea hautako arrainen bat harrapatzen diagun, jejeje...

Zorionak, Eneritz!

Gaurko HITZAn jartzen duen moduan, bizi al gea eooo?!!!
Ondo pasatu eguna, eta ea noiz ospatzen degun!

28 muxu handi!!!

PKN

Kuadrilako I-go furgosafari proposamena

Norbaitek noizbait kontuak atera al ditu zenbat furgoneta dauzkagun kuadrilan? Ba badira mordoxka bat. Horrenbeste furgoneta edukita zergatik ez dugu asteburu pasa bata antolatzen Landetara adibidez? Furgonetez baliatuz akanpada bikain bat antola dezakegu.
Pentsa, bakeroek indioen erasoak saiezteko beraien karromatoekin korroak formatzen zituzten modu berean antola dezakegu gura akanpada lekua. Honela gendarmeak hurbiltzen ere ez dira ausartuko. Asterix eta Obelixen abentura denak afari eder batekin bukatzen diren moduan, guk ere afari eder bat egin dezakegu gure herrixka partikularrean. Basurde errea beharrean kostilla erreak izango genituzke baina tira....Aste buru pasa ederra litzateke dudarik gabe.

[Olatxoren proposamena ilustratzeko argazki egokia. Lekua eta data: Etxarriko Gazte Topagunea, aurtengo Aste Santua. Bai, bai... Gezurra badirudi ere, oraindik, gazte eta errebelde sentitzen direnik badugu koadrilan! Eta horko hori, ba bai... Aser da! Astik izandako istripua eta gero, azkenean bera izan zen Kattalin eta Gariren batera Gazte Topagunean! Imaginatu hirurak furgoneta batean: hura zen hura zurrunka hotsa eta marihuana usaina!].

Agurtzanek ostiralean izan zuen haurra: Ibaia

Bazenekiten Agurtzane haurdun zegoela.
Bada, pasa den ostiralean, maiatzaren 5ean izan zuen haurra.
Oraindik, bihar edo etzi arte, Iruñean jarraitzen du, erietxean, baina ondo joan omen da guztia.
Ibaia izena jarri diote haurrari.

Jakin dezazuen, besterik gabe.

Ondo segi!

gari

ITZIAR HAURDUN DAGO!!!

Mixik isil-isilik idatzi du, oihartzun askorik gabe, beheko mezuaren bosgarren komentarioa.
Baina bere mezua handitu eta titularrera ekartzeko modukoa da, dudarik gabe!!!

Hauek dira bere hitzak:

"Azken aldian kalabaza dexente ematen ari natzaizue, urtebetetze afarian, orain... Asuntoa da bi hilabete eta zerbaiteko nagoela, haurdun bai, eta gorputzaldi "horrorosoarekin" gainera. Horregatik ez nintzen joan aurrekora (ezin parrandarik egin) eta horregatik pixkatean lasai xamar egon beharko dut, hobeto sentitu arte. Dena ondo joanez gero, urtea bukatzerako koadrilan beste kakanarru bat. Eongo gatxink!".


AUPA MIXI!!!! ZORIONAK!!!!
ETA HIRI ERE BAI, XABI!!!

Hau ospatu beharra dago!!!

Muxu erraldoi bana.

PKN

Koadrilako I. Arrantza Txapelketa

Ideiak bonbero ideia dirudi, badakigu, baina, tira... proposamen bat besterik ez da.
Egunotako eguraldiarekin, eta itsas ertzean edota arroketan kainaberarekin arrantzan ikusten den jende guztia ikusita, haurtzaroko oroitzapenak sortu zaizkigu. Zenbat denbora da amuarekin karraspio bat harrapatu duzuenetik? Gehienentzat, asko, ezta?
Ba hau da proposamena (data eta gainerako guztiak aldatu daitezke!).

MAIATZAK 27, LARUNBATA, 15:30etatik aurrera, KOADRILAKO I. ARRANTZA LEHIAKETA:

—Kainaberarekin.
—Elkarren ondoan.
—Lekua, aukeratuko dugu.
—Ondoren, afaria egingo dugu soziedaderen batean.
—Eta gauerditik aurrera, M28koen urtebetetzea denez, ospakizunerako eta parrandarako aitzakia ez da faltako.

Zer diozue? Einnnnn????

Mahai borobilerako proposamena

Atzo arratsaldean Orioko hondartzan ireki duten jatetxearen inaugurazioan izan ginen. Itsasoari begira dagoen mahai borobila gustatu zitzaigun. Zortzi aulki. Hor zortzi onenen bilkura egin beharko genuke, pentsatu genuen. Nortzu dira (gara) baina zortzi onenak? Hasteko gure buruak jarri genituen: Nagore, Alazne eta ni neu. Falta diren bostak deialdi honi baiezkoa emanaz erantzungo dioten lehenak izango zirela erabaki genuen. Berandu gabe zortzientzako mahaia erreserbatu eta hitzordua jarri genuen: GAUR, 20.30etan Orioko Aterpe tabernan elkartuko gara mahai borobila inauguratzeko. Zeren zain zaude, erantzun!

Miren

Pelikularen bat gomendatzeko ?

Aupa kuadrilla !

Gaur nere lagun batekin zineko plana egin det. Bateren batek ikusi al du azkenaldi honetan pena merezi duenik??
idatzi mesedez, a tiro fijo juteko.
merziz,

amaia

Zorionak, berandu bada ere.

Honezkero ahaztuta geundela pentsatuko zuten Olatxok eta Joxanek, baina ez!
Zorionak, bikote!
Dagoeneko koadrilako beste bi sartu dira 31 urtekoen talde berezi bezain efimeroan. Pote bat ez ordaintzeko ihesi ote dabiltza?

Epa lagunak!

Bihar etxeko haundiak 3 urte egiten ditu eta Astin merendola txiki bat egingo dugu. Beraz nocilla-ko binbo goxo bat jateko gonbitea luzatzen dizue denei. Arratsaldeko bostetatik aurrera astiko jolas lekuan egongo gara.

Noski: opariak ez dira onartzen.

Muxu bat denei.

Gure kanpin-denda bizi al da?

Nere ahizpak ea oraindik kanpin-denda badaukagun galdetu dit. Topagunera joatekoa da eta kanpin-denda behar du. Norbaitek baleuka edo oraindik bizi ote den edo ez baleki idatzi dezala mesedez.
Miren

Otzarreta kopako finalean eta Zubiondo ligakoan

Joxean, Asti eta Xabier Apirilaren 30ean izango diren Playerotako Finaletara iritsi dira. (Barkatu idazteko modua, baina esku batekin ari naiz ta pazientzia iada bukatu zait... alegia motxian idatziko dudala)

Joxeanek eta Xabik jokatuko dituzte beraien finalak zerbait okertzen ezpada behintzat...
Astik, alegia nik, bandatik ikusiko du. Igandeko partiduan mina hartu zuen, ukabila hautsi zuen eta hiru astetarako igeltsua du ezker beso osoan.

Gari eta Kattari: igandean mezua bidali nizuen... Gari, hi telefonoik gabe habil... alegia nahiko lan Topagunera juteko.

Bi egun damazkit ta desesperauta nao. A ze lanak galtzerdi puta bat jazteko... ta botoiak... ta dutxa?...

Urriaren 7an, Eneritz eta Manteren boda!

Dudarik gabe, egundoko albistea eman zigun larunbatean Olatxok: urriaren 7an Mante eta Eneritz ezkontzen direla, alegia.


Zorionak biei!!!
Hasi data agendan apuntatzen: urriaren 7an, eguerdian, boda, Elkanoko ermitan, eta bazkaria Aiten-Etxen!


Portzierto: atzoko partez, zorionak Mixiri eta Kattalini!

PATINEN IKASTAROA

Kaixo lagunak !
larunbateko afariko konbersaziotako baten arira, hemen ikastaroaren inguruko informazioa:

Hasiberrientzat ikastaroa (ni bezakoentzat alegia):
Maiatzaren 2tik ekainaren 21era. Astearte eta asteazkenetan 19-20tara. Prezioa 46 €. izenematea apirilaren 20a baino lehen gaztelekuan.

Hobekuntza ikastaroa: zerbait dakitenentzat baina adibidez nagore bezala "frenatzen" ez dakitenak edo giroak egiten e.a.
Maiatzaren 3tik ekainaren 22ra. Asteazken eta ostegunetan 19-20tara. Asteazkenetan hortaz, bi taldeak elkartzen dira 2 irakasleekin. Prezioa berdina.
animatzen al da norbait?
nik asteazkenetan ezin det, baina agian utziko didate "mixto" bat egiten...

muxu danoi eta eutsi astelehen gogor honi.

amaia

Gaurko afaria Kurpilen izango da, 22:00ak aldera

Gaurko afaria, azkenean, Kurpil elkartean izango da, Vista Alegren.
Izan ere, atzo Aserrek afaria izan zuen bertan, eta generoa sobratu zitzaiela eta han utzi zuela esan digu.
Erosi beharreko guztia ere lotuta dago.
Beraz, lasai, ez gara goseak geratuko.

Hitzorduak:

—20:00etan, Salegin.
—22:00etan, Kurpilen.


Gero arteeee!

Estresa kentzeko proposamena

Honezkero jakingo duzuen bezala, Azken Portuko festetako komisiyuari, abuztuko festetan ez ezik, urte osoan zehar ere bazterrak nahasteko gogoa sartu zaigu aurten, festek 75 urte betetzen dituztela-eta.
Horren harira, martxoan EZ DUTE UDABERRIA GELDITUKO 18/25+++ ekimena jarri genuen martxan, lehen Santa Klarako monjena zen zelaia parke bihurtzeko proposamena eginez. Martxoaren 18an eta 25ean aritu ginen auzolanean, eta orain, asteburu honetan, +++ hori egiteko ordua iritsi zaigu.

Eskabadorak, kontainerrak, loreak, hesolak, eta gainerakoak lortu ditugu dagoeneko, eta gaur, bihar eta etzi jardungo dugu auzolanean.
Desbrozadora eskuetan hartu eta pare bat orduz aurrean harrapatzen duzun guztia mozten jardutea estresa kentzeko egundokoa da, benetan!

Beraz, asteburu honetan, gaur, bihar eta igandean, guztiak gonbidatuta zaudete Azken Portura!
Koadrila erdia, gainera, bertakoa dugu ia!

ANIMATU!!!!

Gari

Larunbatean afaria

Larunbateko plana, beraz, aurrera doa, eta arrakastaz gainera!



Orain, elkartzeko ordua eta afaltzeko lekua zehaztea besterik ez zaigu geratzen.
Oraingoz, hau da daukagun panorama…

BAIEZKOAK:

—Asti
—Aser
—Alazne
—Eider
—Gari
—Iñaki
—Ainhoa
—Olatxo
—Eba
—Amaia
—Nerea
—Nagore
—Asier

EZEZKOAK:
—Miren
—Mixi
—Mante
—Eneritz
—Olax

DESAGERTUAK:
—Joxean eta Nagore.

ZORIONAK, ASER!!!

Atzo bete zituen 31 urte Aserrek!
Zorionak, bada!!!

Ea noiz ospatzen dugun!!!

[Horrekin lotuta: atzo Aserren urteak, datorren igandean Mixirenak. Eta aspaldi elkarrekin egon gabe gaudenez, zer diozue datorren larunbatean, apirilaren 8an, afaria egiteari buruz? Poteo txikia eta bokata-jana izan daiteke, edota beste zerbait (oso garestia ez baldin bada!)].

Besarkada bana.

PKN

Kontsulta bat

Egunon!
Ostiralian sagardotegira guaz laneko danak eta bueltako autobusa antolatzen ai naiz. Jakin nahi nuke ea ze ordutan bukatzen dan folloia Hernanin edota Astigarragan. Norbaitek ba al daki tabernak noiz ixten dituzten?

Eskerrikasko... muxutxue.

p.d.: aupa Nerea... ba bai... bazan ordua...

asti

Epa berriro!
Asmatu dut baina zein naizen esatea falta zen. Beno argazkia ikusita nahikoa zen, ezta?
Ostiralero Alazne eta biok korrika zaioa egiten dugu eguerdi partean eta gero nere etxean bazkaltzen dugu. Aste honetan, plana ostegunean egingo dugu. Korrika egiteko gogoa duenak esan besterik ez dauka.
Muxu haundi bat lagunak.
Nagore: Zer moduz Londres aldean?
Nerea.
"Aupa athletic" Beste batzuk gehiago sufrituko dutela....

PRUEBA

Ba da ordua ezta?
Ea ondo egin dudan.
Muxus

"Hitz egin al daiteke?"

Nagoreren galdera:

"Por tzierto, SU-ETENAz hitz egiterik ez da egongo blogean ezta?
Ni pozik!"

Zuek erantzun.

PKN

Larunbatean sagardotegira!

Zentzumen berezi bat du PKNk; izan ere, asteburu honetako plana asmatu du: sagargotegira goaz! Datorren astean Javiren urtebetetzea dela aitzakia hartuta Rezola sagardotegian bazkaria antolatu dute Alaznek eta Jabik.

Javiren koadrillakoak ere han izango dira. Eta asmatu plana! Goizean kartetan ibiltzera. Baina ez musean edo tutean, kart autotxo horietako zirkuituan. Eta gero bazkari ederra sagardotegian.

Sagargotegira joan nahi genuela? Ba horra hor plan eder askua!

Animatu eta deitu Alazneri joango zarela esateko (ahal bada ostegunerako, sagardotegian zenbat izango garen esan beharko du eta).

Txooooooooootx!

Nagore (Alazneren izenean)

Afaritxo bat?

Elkarrekin afari bat egin eztugula denbora gehitxo pasa ez ote den sarritan entzun dugu azkenaldian...
Zer diozue? Arizia (Aixiya) sagardotegian bada ere, bertatik (gehienontzat)bertara...

PKN

Javiren aita hil da

Aupa!

Ez dut datu gehiagorik, eta ez dut Alaznerekin ere hitz egin, baina Astik oraintxe telefonoz komentatu didanez,
Javiren aita hil da.
Norbaitek datu gehiagorik edota hiletari buruzko konturik baldin badaki, nahi eta ahal duena akaso antolatu daiteke hiletara-edo joateko.

Oraingoz, besarkada handi bana Javiri eta Alazneri.

PKN

Ausnarketarako eguna

Goiza gogor hasi dut, indarrean. Kristonak eta bi idaztekoa nintzen. Egunak merezi du: emakume langileon eguna da. Baina pixkanaka indarrak haitzen joan zaizkit. Eta, azkenean, lerrotxo hauek baino ez dauzkat emakumeoi muxu haundi bana bidaltzeko. Eutsi gogor! Egunerokoan indarra eginda, mundu hobe bat lortuko dugu.

Eta mutilok etzazue muturra okertu. Zuekin gaude eta gurekin behar zaituztegu.

Nagore

Hegazti-gripearen aurkako brigada

Hegazti-gripetik salbu gaude. Larunbatean koadrilako batzuek Zarautz guztiz desinfektatu genuen. Beraz, lasai jan oilaskoa!

Badakigu zertaz mozorrotu!!!

Kostata baino atzo gaueko bilerak eman zituen bere fruituak. "Brain storming" latz bat eta gero honakoa adostu genuen han bildu ginenok: hegaztien gripea pilpilean dagoen kontua dela eta gripea eta hegaztiak akabatzeko edota fumigatzeko patrulleroez mozorrotzea. Alegia, en plan brigada antitxapapote.

Oraintxe bertan gure lantegi aldamenean dagoen lan tresna eta laneko arropen almazen batean izan naiz eta han denetik daukagu eta nahi adina. Honakoak badituzte:

Buzo txuria, txano eta guzti: papel plastifikatua da. Oso fina, kremallera eta guzti. Pixa iteko arazoik ez. Prezioa: 6 Euro inguru. Talla desberdinak (S,M,L,XL,XXXL)
KatiuzkaK eta guanteak: "a juego" jutekotan kolore berdea izango beharko luke, katiuzkak kolore berdekoak soilik bait dituzte. Prezioa: 6 Euro inguru guanteak eta 15 Euro inguru katiuskak

Maskarak: papelezkoak. Nahi adina dituzte

Ohar garrantzitsua: erostekotan gaur arratsaldean izan beharko luke eta 5:30ak baino lehen, beraz ordu horretarako zenbat garen jakin beharko genuke.

Beste kontu bat: txita edota oilaskoz ere mozorrotu gaitezke. Agian buzo horiak ere badituzte (galdetzea ahaztu zait), edo bueno buzo txuriak margo ditzazkegu.
Bururako txano edo pistinako gorro hori bat eta kresta bezala latex-eko guante bat ipini genezake.....

Astindu mobilak edo bidali mezuak 5:30ak baino lehen!!!!!!

Azken Portuko I. Bertso Tourra, ostiralean

Aupa!



Abuztuko festak antolatzearekin nahikoa ez, eta aurten Azken Portuko komisiyoko kideek urte osoan zerbait egitea erabaki dugu, ahal bada, hilero. Urtarrilean auzoko beste mural bat pintatu genuen, eta otsailean Azken Portuko I. Bertso Tourra antolatu dugu. Bihar izango da:

Fredi Paia eta Xabier Silveira bertsolariekin eta trikitilariekin, auzoko tabernak zeharkatuko ditugu, ostiraletako poteoa bertsoz, trikitixaz eta giro ederrez betez.
Komisioak, pintxoak ere egingo ditu, eta hamabost tabernako ibilbidean zehar, pare bat geldialdi egingo ditugu, pintxoak janez indarrak berritzeko. Hori izango da biharko horretako “afaria”. Gainerakoa, tabernaz taberna inprobisatuko dugu, Paia eta Silveiraren doinu eta neurrian.

Koadrilako asko Azken Portun bizi dira, eta beste hainbat, Azken Portukoak izan arren, exilioan bizi gara halabeharrez, baina bihotz-bihotzean daramagu Azken Portuko kasta...

Beraz, bihar, nahi duenak, parrandarako eta lagunartean ondo pasatzeko gonbidapena eginda dauka.
Nahi izanez gero, Azken Portuko tabernetan barrena ikusiko gara.

Besarkada bana,

Gari

Inauteriak prestatzeko deialdia

Iepa koadrila!!

Olaskoagan bronka entzun behar izan det mozorroa prestatzeko ez gealako geau, beaz ostegunean bea datorrenez kafe bat hartzera gonbidatzen zaituztet nere etxera. Gaueko 9tan gea gintezke eta ordurako jendeak hainbat mozorro pentsa ditzala... Adibidez... Jejeje....


Aser

Inauteriak....

Asierren deia jaso det oaintxe. Honek astebukaerko eta inauterietako gogua daka...
Norbaitei zerbait okurritu?
Igandian Aser ta Alaznekin eon nitzan eta ostiralian Olatxokin... mozorro ideiaik ez.

Otrakosamariposa: gaur 8tan norbait Donostira, Anari, Zebra?

asti

Bihar, 20:00etan, Eguzkin?

Iepa denoi!



Bihar, azkenean, koadrilako 8 lagun animatuko gara HITZAren bigarren urteurren festara.
Autobusa 20:30ean aterako da, Tarin tabernaren paretik.
Geratuko gara 20:00etan Eguzki tabernan?

Azkenean, Asti, Amaia, Alazne, Olatxo, Eva, Aser, Kattalin eta zortzirok joango gara koadrilatik.
Eiderrek igande goizean lana du, eta azkenean ez da animatuko.

Ale, bihar arteeeee!
Txooooooootx!!!

Hitzaren festa

Norbaitek hartu al du festarako tiketik? Ba al goaz? Nola gabiltza? Gaur omen da azken eguna apuntatzeko.

Asti

Gero arte blog

Hau ez da agur bat, baina badago zerbait aldatuko dena. Baina zertaz ari zara? Astelehenetik aurrera lanpostuz aldatuko naiz eta ez naiz ordenagailuaren aurrean egongo orain bezela. Motorizatuta ibiliko naiz Zarautzen bueltak ematen. Ez dakit blogean sartzeko aukerarik izango dudan... Saiatuko naiz ahal dudanean konektatzen.
Gero arte!

Miren

Ostiralean zinera!

Ostiral honetan zinera joateko plana egin dugu Nagore eta biok. Cowboy-en pelikula entsutetsu hori (Black...mountain edo)ikusi nahi dugu. Apuntatzen al zarete? Iluntzean izango litzateke, zerbait afaldu eta hamarrak aldera izaten den saioa ikusteko. Ostiralean bertan zehaztuko dugu plana, kartelerako ordutegiak eta ikusi ondoren.
Animatu!
Miren.

HITZAren II. urteurren festa

Iepa!

Datorren otsailaren 20an Urola Kostako HITZAren II. urteurrena beteko dugunez, urteurren festa antolatzea erabaki dugu aurten ere. Iazkoa ondo egon zen, lagun giroan, baina langileak erotu egin ginen denentzat kostillak prestatzen, eta aurten festa sagardotegi batean egitea erabaki dugu.
OTSAILAREN 18an izango da, larunbatean, Azpeitiko Añota sagardotegian.
Deialdia irekia izango da, baina errealistak izanda, asmoa, HITZAko lankideak eta gure hurbileko lagunak eramatea da, lagun giroko parranda majo bat egiteko: 100-125 bat lagun biltzeko asmoa dugu gutxi gorabehera.
Afaria 22 eurotan izango da, eta afaria eta autobusa, Zarauztik edota Oriotik, 26 euro inguru (hau zehazteke dago, baina laster jakinaraziko).
Sagardotegira joan, eta han parranda (trikitilariak —Agosti eta Barrena—, bertsolariak, eta inprobisazioa). Gero, buelta, autobusean.

Beraz, nahi duzuen guztioi animatzeko gonbidapena egiten dizuet. Iaz koadrilako batzuk agertu zineten urteurren festara. Aurten, antzeko giroa izango da, baina hobeto jango dugu, eta sagardotegian izango da parranda.

Besarkada bana,

Gari

ELURRA ARI DU

Egun on!

Ostirala iritsi da eta gu denok mutu gaude. Ziur norbaitek baduela plana elurretara joateko. Ez eskiatzera bakarrik, hemen ingurura esan nahi dut; txanperoarekin eta. Elurra mara-mara ari du!

Miren

"Humor Amarillo" bueltan

Gure urteetako eskakizun eta errezo guztiek badute erantzuna! Humor Amarillo saioa bueltan izango da datorren 28tik aurrera Cuatro kanalean, 14:20an larunbat eta igandetan.
Gure koadrilan jarraitzaile sutsu asko dagoela badakigu...
ONDO PASA!!!

Asti

Axi Madriden (Madrilen?)

Axikin astelehen gauian hitzegin nun. Arratsaldeko interview kokakolerua ondo jun omen zan. Gustoa zeon. Erantzuna 8 bat egunetan izango omen du. Asteartian hasi zan Madrideko lanian. Ordundik eztet hitzein... ia zerbait bidaltzen dun... Las Ventas-eko etxiak eztu oaindik internet konexiorik izango.

Astebukaeran Zarautzen ikusteko aukera izango deula komentau zun.

Asti

ASMATU DET ! ASTE BERRI ON DENOI !

nere lehenengo aldia da...
pixkat urduri nago, lotsati...
eta zer esan ?
eta nola egin?
praktikatuz hobetzen omen da eta ni horretarako prest !

eta zuek?

aste berri on denoi !

p.d. axi hiretzat SUERTE ! gaur arratsaldeko horretan...
coca-colakin ospatuko degu.

amaia

Estekak ikusgai

Iepa!

Blogaren diseinuan aldaketa txikiak egiten ari naiz.
Argazkia moztuta eta batere zentratu gabe zegoenez, kendu egin dut.
Ea txukunago edo zabalago bat topatzen dugun, edota argazki hori bera beste nonbait sartzea lortzen dugun, blogera sartu orduko ikus dadin.

Bestalde, eskuineko zutabeko tituluak (links, archives... eta horrelakoak) euskaratu egin ditut: estekak, azken mezuak, mezu zaharragoak...

ESTEKAK atalean, koadrilako lagunekin zerikusia duten estekak edota link-ak jar ditzakegu.
Ez dakit: gero eta jende gehiagok ditu blogak. Nik ekainetik dut martxan nirea eta, lotsarik gabe, esteken atalean jarri dut: AZKEN PORTUA, HITZArenarekin batera.
Hartara, norbaitek hor klikatu besterik ez du webgune horietara joateko.
Beste norbaitek beste estekaren bat jarri nahi badu, abixatu, eta kito.
Nik uste dut interesgarria dela, koadrilako lagunak non gabiltzan ikusteko aukera eman dezaketelako esteka horiek.

Baina inori kontsultatu gabe egin ditudanez aldaketak, ba zuek esan zer diozuen...

Muxuak,

Gari

Larunbatean... bazkaria!

Nerea, Gartxi, Irati eta Igorrekin egon nintzen atzo (earra familiya), eta larunbateko bazkariko kontuetaz aritu ginen: bazkaria Pedro Enean izango da 2:30etan, baina leku berean elkartuko gara 2:00tan.

Oraingoz Itziarrek bakarrik esan dio Nereari ezingo dutela joan; nik gogorarazi nion Garik lana duela. Eta gainerakook? Guztiak goaz, ezta? (Ez bazoaz Nereari deitu!!!!).

Hori ba, maittiak, larunbatean ikusiko gara. Muxu!

Nagore

Bertsolari Txapelketa Nagusia dela eta...

Badakit pasata dagoela, ez dela nobedadea alegia, baina galdutako denbora berreskuratu nahian nabil; blogeko kontu zahar guztiak orain irakurri ditut!
Kontua da orain gogoratu naizela Eba azkenengoz Barakaldon ikusi nuela, BECen. Ni gradetan nengoen, amarekin, eta bera behean ikusi nuen, bi aldiz. Ez dut uste Eba ordenagailu aurrean egongo denik orain baina bueno. Koadrilako beste norbait egon al zen han? Auskalo, 13.000 pertsonen artean... Telebistaz jarraituko zenuten seguruenik batek baino gehiagok baina niri gehien hunkitu ninduena ixiltasuna izan zen. Bertan egonda bakarrik senti zitekeen hura, hainbeste jende han ixilik, zain, eta bitartean pertsona bat pentsatzen eta denok hari begira bertsotan noiz hasiko... Bereziki luzea eta gogorra izan zen Amets Arzallusek kartzelako bertsoei ekin aurretik hartu zuen denbora. Ze nerbioso jarri gintuen!

Miren.

Ez da erraza blogaren kontu hau

Ez da erraza blogaren kontu hau, izan ere, pasahitza, klabea eta istoriak.

Urteberri on kuadrilla!

Urtea ondo hasteko lanera etortzea modukorik ez dago: bihar urteko astelehenik gogorrena pasata egongo da! Umorea behintzat ez zaigu falta.

Oker ez banago Amaiak igande honetan bazkaria egitea proposatu zuen. Ez dakit kontu hori nola dagoen, baina guk behintzat ezin dugu ("beste" bataio bat daukagu: Asier aitajauna izango da). Zer moduz larunbatean elkartzen bagara? Gainera Astin etxeko inaugurazioa ere airean geratu da...

Ea 2006an ahalegintxo bat egiten dugun elkarrekin egoteko. Muxu!

Nagore

Datorren astean nere etxeko "inaugurazioa"

Bakarrik bizi naizela 9 hilabete pasa badira ere, nere etxeko estrainalditxua in beharra dola akordau nitzan lehenguan.
Astebukaera hauek berexi xamarra direla-ta, astebarruan itia pentsatu'et. Nik lana dakat datorren astian "media-martxan", aste hau nahiko gaizki jun baitzait. Halare, atsalde bat aukeratu ber du, ardo ta urdaiazpiko pixkat jateko.
Batzuk zeharo jai eukiko zue. Hala eztakazuenok ordu pare bat ihesteko moua ingo zue... baina eguna jarri ber...

Ixpilla plaza 7B- 4.A........ Noiz?

Asti

aser "todoterrenoa"

Egiten dituen gauzak lehendik gutxi baziren (lana, irratia, malabarak...) gaur olentzero lanak egitera etorri zaigu eskolara. Kategorizko olentzero, ikustekoa izan da. Hurrengoan akaso pailazo, ekilibrista, mimo edo elektrizista lanetan ikusiko dugu, nork daki. "Todoterreno" bat haiz, Aser.

Dagoeneko ez da primizia baina... Aser Euskadi Irratian!

Hua zan ezustekua! Gure saioa grabatzen hasi aurretik kafe-makinarako bidea hartu eta nor ikusiko eta, Aser! Plako-plako... eta oso guapo gainera!

Zuek oparitutako kamarak zerbaitetako balio du, alajaina!

Aser euskadi irratian.... oaintxe!

Zeharo errekuperatu ote zaigu gure Aser?
Hepatitis-a izan al da Patxi Piratak pasa duena?
Arrastoik ez baina Euskadi Irratian hizketan ari da urteroko jolasa aurkeztuz... Mutila plako-plako inda do'la ba al dakizue. Galtza berriak eosten. Gerrikoko zulo berriak deskubritzen...

Aupa Aser!!

Asti.

I love you, my darlings!

Eguneko jardunak bultzaka narama hara eta hona. Eta horrela igaro dira aste bat, bi, hiru, hilabetea... Eta une batez gelditzea lortu dudanean, ingurura begiratu, eta bakarrik nagoela ikusi dut. Nire burua ere ez dut aurkitu.

Urte zaharra amaitzear da eta berria badator, aitzakia bat behar eta hori aukeratu dut une batez zuei idazteko. Baina, onar dezagun, benetako arrazoia faltan botatzen zaituztedala da.

Egunak ziren bloga ireki ere ez nuela egiten (lan eta lan), eta atzo zuen hitzak irakurri nituenean erabat unkituta geratu nintzen. Maite zaituztet! Eta, onar dezagun, maitasunak kontaktu fisikoa ere behar du. Beraz, lehen bailehen jar dezagun hitzordua, mesedez!

Muxu!

Nagore

adi erretzaileok!

Eztabaida gori-gori dago-eta, galdera batzuk denontzat. Erretzaileon kontrako kruzada badator, zer egin beharko dugu hemendik aurrera soziedadeko afarietan, jatetxe edo tabernetako bazkari edo afarietan erretzeko "desgrazia" dugunok? Kafe ondoko zigarroa komunean erre? Aparteko txoko batean, leprosoak bagina bezala bazterturik egon? Eta galdera gehiago ere badatozkit burura, baina zuek esan.

adi erretzaileok!

Eztabaida gori-gori dago-eta, galdera batzuk denontzat. Erretzaileon kontrako kruzada badator, zer egin beharko dugu hemendik aurrera soziedadeko afarietan, jatetxe edo tabernetako bazkari edo afarietan erretzeko "desgrazia" dugunok? Kafe ondoko zigarroa komunean erre? Aparteko txoko batean, leprosoak bagina bezala bazterturik egon? Eta galdera gehiago ere badatozkit burura, baina zuek esan.

Isiltasuna

Koadrilako batez gogoratu nintzen atzo, eta toke bat eman behar niola otu zitzaidan, ea bizi den-edo…



Gero, ordea, lagun horretaz gain, aspaldian beste gehienon arrastorik ere ez dudala ohartu nintzen, eta galdera orokorra egitea okurritu zait: BIZI AL GEA EO!!???
Izan ere, PIURArik gabe, badirudi elkar komunikatzeko gaitasunak edo gogoak behera egin duela, eta bloga hemen dugun arren, isilik gaude denak.

Marcos komandanteordeak esaten duen moduan, ordea, isiltasuna ez da dena galduta dagoenaren sintoma, zerbait egosten ari denaren seinale baizik.
Hondarretan aurkitzen ditugun itsas barraskiloak ere hutsik daudela dirudi, baina belarrira hurbilduz eta adi entzunez gero itsasoa entzun daiteke barruan.

Horregatik, hutsik eta isilik dagoen leku honetara etorri naiz gaur, ea oraindik taupadarik entzuten den…

Besarkadak eta muxuak denontzat,

Gari

Larunbat honetan afaria egiteko proposamena

Aupa denoi!

Denbora da koadrilako afaririk egin ez dugula.
Taldeak ez ditugu egin aspaldian, eta bi hilabetean behin afari baten inguruan biltzeko ohitura ederra galduta dugu.
Hainbat kontu izan da azkenaldian, koadrila handitu zaigu, eta ez dugu aukerarik izan lagunartean lasai solasean aritzeko.
Hurrengo astean, berriz, zubi luze baten hasiera da, gero abendua dator, eta agian zailagoa izango dugu jendea elkartzea.
Beraz, hau da proposamena:
larunbat honetan koadrilako afaria elkarteren batean?
Poteo txikia, afaria, eta gero gerokoak, aspaldiko partez.

Animatzen al zarete?
Gaur oraindik asteartea da.
Ea zer erantzuten duzuen, ea telefonoak astintzen ditugun, eta ostegunerako edo finkatzen dugun baiezkoa ala ezezkoa.

Ale, ondo segi!

PKN

IGOR jaio da, Nerea eta Gartxiren bigarren haurra

Atzo koadrilako hainbat lagunek segapotoan jasotako mezua:
"Kaixo lagunak. IGOR naiz eta 3.500 gr pisatu du eta 7:26 jaio naiz, gerra emateko prest".

Aste honetan, bada, badugu albiste eta nobedade ederra:

Ongietorri IGOR!
Eta zorionak gurasoei!!!

Pena, penita, pena

Ai... aixkidiak. Penatuta nago Piurarik jasotzen ez dugulako. Blogarengatik da? Ez dut uste. Egia da hasieran blogaren azkartasunak liluratuta ibili ginela; baina hasierako euforia hura ustu da, eta azkenaldi honetan blogeko berriak geroz eta urriagoak dira.

Gainera iruditzen zait bientzako lekua badela. Bakoitzak bere nortasuna dauka. Hala, badira gauza batzuk egokiagoak direnak Piurarako blogerako baino. Esate baterako, aste honetan Kubako pare bat argazki bidali ditut Piurara, eta bidaiari buruzko komentario txiki bat. Aste honetan ez dugu izan Piurarik, ordea. Pentsatzen dut PKN ohartu ere ez dela egin (normala, martxa guztiz galduta baitaukagu).

Piurarik ez. Pena da.

Koadrilen Eguna bihar

Aupa denoi!


Denbora, komunikazio eta gogoratzen ditugun baina hemen ezin aipatu diren arazoengatik, aste honetan ezin izan duzue Koadrilaren PIURA jaso.
Dena dela, eta bihar Koadrilen Eguna denez, blogaren bidez bada ere hitzordua finkatu beharra dago.
Hau da plana:
—12:00etan Txiki Politen. Geratu eta poteatu.
—14:30ean bazkaria Kurpilen.
—Bazkalostean poteoa eta gauean, ahal dutenek, parranda.

Oraingoz baiezkoa esan dutenak:
Mixi, Alazne, Aser, Olatxo, Eba, Gari.

Arrazoi ezberdinengatik ezezkoa esan dutenak:
Olax, Asti, Iñaki.

Gainerakoen berririk ez dugu.
Esan zerbait!!!

Besarkadak, PKN

PD: Aser, lehenago geratuko gaituk janaria erosteko???

larunbatean zer?

Larunbaterako planik ba al dago? Larunbata bertan da eta ez dakit zerbait pentsatua dagoen ala ez. Nik badut ateratzeko asmoa. Zuek?
MIXI

Itzulera ez da erraza, konpai

Itzuli gara Kuba aldetik.
Hiru asteko oporraldia lanean, eta bi aste Kuban.
Denetik ezagutu dugu tartean. Baita Rita urakan famatua ere.
Kontatzeko gauza asko dugu...
Baina gu bezala baita koadrilako beste askok ere!
Beraz, ea egunen batean elkartzen garen mahaiaren bueltan.
Ea PKNk laster egiten duen afarien egutegia, eta berriro ekiten diogun ohitura onei.

Oraingoz, zenbait kontu:

1. Eider eta biok berriro trasladoa egin beharko dugu. Oraingoan, Itxasmendira.
(Bai, bai... Ondo irakurri duzue: Azken Portu utzi eta Itxasmendira!).
Kontua da Eiderrei Eusko Jaurlaritzaren Bizigune programaren baitako alokairuzko etxebizitza bat suertatu zaiola. Horrela, bidaiatik itzuli, gutuna irakurri, eta aibalaostia! Alokairuagatik 295 euro ordainduko lituzke Eiderrek, eta gainerako Eusko Jaurlaritzak ordaintzen dio etxearen jabeari. Baietz ala ezetz erantzun daiteke. Bi aldiz ezetz erantzunez gero, Etxebidetik baja ematen dizute. Etxea gaur ikusi dugu, Itxasmendin. Indamendi kalea, 14. Egia esan, oso ondo dago. Eta 295 euro hilean, Zarautzen... ba tira... Jabetzan zerbait aurkitu arte, ez dago batere gaizki.

2. Agurtzane haurdun dago.
Larunbatean egon nintzen Agurtzanerekin, eta ezusteko berria: haurdun dago!
Badira hainbat hilabete mutil-laguna duela (ez dakit izenik ere, baina kriston tipoa da. Biak elkarrekin ikusi eta pozteko horietakoa), eta orain haurra izatera animatu dira. Oso-oso gustura zauden biak. Pare bat hilabete daramatza haurdun. Puntazo, e!

Besterik ez oraingoz.

Zuek, zer moduz Nagoreren "despedida"?
Larunbaterako planik bai? Nik, berez, lana daukat... baina parrandaren bat baldin badago... Zuek agindu!

Besarkada bat,

Gari

Tok, tok... ta Piura (astekaria) zer?

Bi aste mezurik gabe...

PKN.

RITA habanan

Fiuuuu!!! Ez dek makala urakana! Internetetik jeitsi diaten argazkia zintzilikatzen dizuet. Hemen horrelakorik gertatuz gero onartu beharra dago Marina Txiki leku pribilegiatua izango zela, jeje.. Beno bikote, animo ta urakana amaitzean zuen berri luzatu. Bitartean...

ONDO PASA NIKOLASA!!!!

Rita urakana gainean dugu (laguntza eskaera)

Aupa guztioi!
Internetek ematen duen aukera baliatuz,Habanatik idazten dizuegu.
Oporrak primeran doazkigu, eta ederki gabiltza Fidelen uharte karibetar honetan.
Dena dela, azken egunetan eguraldi adituek iragarritakoa bete da, eta gainean dugu Rita ekaitz tropikala. Dagoeneko ehun kilometro orduko haizeak ditu, eta gaur arratsaldean iritsi da Kubara. Indarra hartuz doa, eta hurrengo orduotan urakan bihurtuko dela dio telebistak.
Hainbat eta hainbat herri eta milaka lagun ebakuatu dituzte, eta telebistak ageri diren irudiak beldurtzeko modukoak dira.
Nazioarteko kateetan ere ikusi ditugu irudiak eta etxekoak agian kezkatuta egongo direnez, laguntza eskaera da hau.

Ahal duenak, please... dei dezala Gariren etxera, eta esan amatxori ondo gaudela eta lasai egoteko (943 834932).
Amaia, zuk, berriz, ahal baduzu, deitu Nereari, Eiderren ahizpari, eta esan berdina (943 021560), hark mezua Eiderren amari pasatu diezaion.
Dena dela, norbaitek deitzen badu, idatzi hemen komentarioen atalean, besteek jakin dezaten, eta denak batera dei ez dezazuen gure etxeetara. Nahikoa izango da norbaitek deitzea...
Ba horixe guztia Habanatik.
Ahal dugun hobekien babestu eta etxe giroko parranda egingo dugu hemengo lagunekin.
Izan ere, alerta egoeran, lantokiak hustu dituzte, jendeak jai du, biltegiak hustu dituzte, eta etxeetan sartu da jendea, urakanaren zain...

Besarkadak, eta laster arte!
Gora Kuba!!!

Eider eta Gari

oporretara zoaztenei

Hemen geratzen garenak akordatuko gara zuekin. Hala ere ni aspertuta nengoen hainbeste oporrekin. Lanean askoz ere hobeto, eta hori hemen geratzen garen guztiek esango dizuegu, ez daukagu batere inbidiarik. Nahiago goiz jaiki (eguna ondo aprobetxatzeko), lanean gogor aritu (realizatuta sentitzeko) eta Zarauzko malekoian ibili (hangoa baino askoz ere politagoa!). Hala ere, saiatu ondo pasatzen, eta kontatuko diguzue. Mixi.

Hondarribia gailurrean

Azken urteetako ametsa bete dute hondarribitarrek: Kontxako bandera irabazi dute! Eta Asier pozak zoratzen dago, noski. Estropada ikusgarria izan zen: traineruak saltoka ibili ziren olatu artean, batez ere ohorezko tandan (eguraldiak okerrera egin baitzuen).

Polemikarik ez da falta izan, Kontxako estropadetan ohikoa den moduan. Eta hondarribitarrek ordu bete baino gehiago itxaron behar izan zuten bandera norena zen jakin arte; izan ere, denborarik onena Pedreñak egina zuen (lehenengo tandan), baina Orioko traineruko arraunei jo zieten eta kanporatua izan zen talde kantabriarra.

Pedreñak ez du amore eman eta bandera eskuratzeko ahaleginetan dabiltza epaitegietan, baina ez dirudi ezer lortuko dutenik. Arraunaren alde iluna agerian geratu da: epaileek ez dituzte erabakiak behar den momentuan hartzen, eta gero gerokoak! Azkenean kaltetuenak arraulariak dira.

Dena dela, bandera Hondarribian da, eta festa-bukaera ezin hobea izan zen: merezitako parranda egin zuten arraunlariek eta gertukoek.

Goiztarrak elkartzeko ordua?

Badakigu bihar 10:30ean dela hamaiketakorako hitzordua, Batzokian,
Hala ere, aspaldian Mantek eta Aserrek Euskal Jai egunean jarritako ohiturari ere eutsi beharko diogu, ezta?
Goizean goiz hasi: gosaldu, txakolin batzuk edan...
Mante mendian izango da aurten...
Baina norbait animatzen al da goizean goiz ateratzen?
09:30ak aldean Txiki Politen edo?

Bazkaria BATZOKI bertan eginez gero?

Aurreko egunean hamaiketarako lekua hartzera goazenez batzokia bazkaltzeko leku egokia izan daiteke. Proposamena:

1.- Errioxar modura prestaturiko patatak.
Txorixo pikantea eta baratxuria eztarriak buztirik mantentzeko lagungarri izango dira.

2.- Haragi gixatua.
Saltsa goxoak eta patatek tripa ondo betetzen lagunduko digute. Afaltzea ahazten zaien horientzat ezinbestekoa.

3.- Arrivatti Helatua.
Aurreko guztiak sor litzazkeen betekadak arintzeko lagungarria. Nahiago duenak Rokari bisita egin diezaioke.

Ideiarekin ados egonez gero erantzun lehenbailehen...

Ostiralian hamaiketakua behintzat bai

Bazkaitako leku bila ibili zela esan digu Mirenek astebukaera hontan. Pare bat leku... eta kebá. Oso zaila. Beraz, berlasber eitia komentatu da. Plan punky samarra treintañero batzuntzat baina bueno.

Hori bai. Hamaiketakua fijo. Izenematea dida egin behar da. Aserri. Edota hementxe, blogian

Aserren segapoto mezuan dion bezela,

"ostiralen 10 t'erditan batzokin. Azaldu behar duenak lehenbilehen konfirmau."

PD: norbaitek Nereai abixatzia, eztakau potonumeroik.

Dediiooooooo! Hau astelehena, hiru astetan lehena...

Teleberritan hainbeste azaltzen dan oporraldi ondorengo depresiyuan eztet sinisten.
Astelehenetan siniste't.
Hiru asteko oporrak, hiru astelehen. Beraz, gaur, astelehen hirukoitza beharko nuke.
Ba ez. Matematika BIZITZAren zatitxo ñoño puta bat bakarrik da.

1+1+1=3 bai baina honek oporrak eztitu kontutan hartzen. Hobe 3ber3=27

Gaur astelehen nazkagarri ta normal bat eduki beharrian, barkatu, hiru eduki beharrian HOGEITAZAZPI ASTELEHEN nazkagarri eta anormal bat daukat.... gutxiñez.

Euskal Jaiak gainean ditugula eta...

Ba hori, jakin nahiko nuke ea zerbait antolatuta edo hitzeginda dagoen datorren ostiralerako. Pixkat despistatuta nabil azkenaldi honetan, beraz eskertuko nuke (zerbait hitzegin baldin bada behintzat) blogean komentatzea. Eta ezertxo ere ez baldin bada hitzegin, oraintxe dugu aukera.

Xabi

Opor bikainak ESLOVENIAN

Oporraldiak norberak bere modura antolatu ohi ditu, gustuko jardunak eta egunerokotasunetik at egiteko bideak jorratu ohi ditugu ahalik eta ondoen pasatzeko asmoarekin.

Aurten ihesaldi earra burutu dugu, 10 lagun bi furgonetetan Eslovenia aldera abiatu gara malabaristen topagune batean parte hartzeko.

Topaketa Esloveniako Ptuj (Tiuj ahozkatuko genuke) herrian burutu zen eta benetan giro aparta izan genuen bertan. Malabar eta zirko zaleontzat paradisu txiki bat bihurtu zen topagunea, jende berria ezagutu, malabaren munduan sakondu, truko eta jolas berriak ezagutu, benetako artista eta profesionalen lanak gauero zuzenean bizi, buff... Benetan berriz errepikatzeko esperientzia...

Beno eta gehiegi ez luzatzeko afari baten aitzakiz mahai inguruan elkartzeko gonbitea luzetzen det, aspaldi ez deu afarik bota eta...

ONDO PASA NIKOLASA.

Herri Bazkaria irailaren 3an

Urtero bezala, Euskal Jaien aurreko larunbatean Zarauzko Herri Bazkaria antolatzen du Euskal Herrian Euskaraz taldeak, AEKren eta herriko hainbat soziedaderen laguntzarekin.
Ehunka lagun elkartzen da urtero Musika Plazan, egundoko giroan, eta txartelak aurreko astean jartzen dituzte salgai, berehala agortzen direlako.

Aurreko urtean Aser eta biok bakarrik joan ginen gure koadrilatik bazkarira (hala uste dut behintzat), eta Eider egun batzuk lehenago "ezagutu" nuenez, Eiderren koadrilakoekin bazkaldu genuen.

Aurten ere gure koadrilak ez al du ordezkaritzarik bidali behar?
Plan ederra izaten da egun horretan.
Ea jendea animatzen den eta parte hartzen dugun.
TXARTELAK BIHAR EROSI BEHAR DIRA!!!

Egitaraua:

—Irailak 3, larunbata: EUSKARAREN EGUNA

· Goizeko 09:30ean, euskararen aldeko lasterketa.
· Eguerdian: herri bazkaria, eta bazkalondoan, txistulariak, koroa,
abestiak, antzerkia...
· Gaueko 23:00etan hasita, txosnetan: Tapia eta Leturia eta Amaiur taldeekin
goizaldera arteko parranda.


[Hitzak: Gari].

Mante eta Eneritz, bi urte elkarrekin

Kasualitatez, duela urtebeteko abuztuaren 22ko HITZA hartu, eta zorion agurretan Mante eta Eneritz aurkitu ditut, elkarrekin urtebete egin zutela-eta. Beraz, gaur bi urte egin dituzte elkarrekin. Dagoeneko! Azkar pasatzen da denbora, e?!
Zorionak, eta ondo pasatu eta ospatu eguna!!!

Oooooooooooooohhhh... ze politaaaa...

"Ez dago Azken Porturik zu txalupan baldin bazaude...".
"Zuregatik trenbidea ere pasatuko nuke...".
Eta abar.



Hori begirada...
No comment.

SKAPA JAIAK 2005, aste honetan!!!

Gainean ditugu Santa Klara, Azken Portu eta Aritzbataldeko jaiak.
Aste honetan ba al da ezer garrantzitsuagorik koadrilan?
Agian bai (jakinarazi hala bada), baina batzuentzat hau da aste honetako kontu nabarmenena...
Amaia, Txabillo, Oier, Hegoa, Joxean, Nagore, Olatxo, Eba, Aser, Gari, Eider... Koadrila erdia ia-ia Azken Portun edota Aritzbatalden bizi da, eta hori exiliatuak ahaztu gabe: Eneritz, Mante, Miren...

Batzuk barru-barrutik bizitzen ari gara festa hauek azken asteotan: komisioa, bilerak, kamisetak, publizitatea, txosnak...
Ostegunean bertan, 22:00etatik 24:00etara, txosnetako batean nik turnoa dut, eta Egoitz, Manex eta Eider izango ditut laguntzaile (Asti, animatzen bahaiz, hi ere bai, noski!). Egun eta ordu berean, beste txosnan, Eneritzek du turnoa, eta Mante behintzat liatu du laguntzeko... Koadrilakideak, bada, ez dira faltako festa eremuan ere.
Larunbatean, dagoeneko, mus txapelketan, koadrilako batzuk aritu ziren... (Aupa Aser!). Ostiralean, koadrilako batzuk aritu ziren festetako nikiak saltzen, eta koadrilako beste batzuei ere saldu zizkieten (Aupa Eider, aupa Joxean!). Larunbatean, Eiderrek mus txapelketako sariak banatu zituen... Igande eguerdian Eneritz kamisetak saltzen egon zen...
Ikusten duzuenez, batzuentzat, handiak dira festa hauek.

Informazio askoz osatuagoa, eta festei buruzko guztia, berriz, nik neuk kudeatzen dudan
http://azkenportu.blogspot.com
blogean duzue.
Sartu, eta ea animatzen zareten egunotan Azken Portura hurbildu eta festaz gozatzera!

Besarkada bat guztioi, eta batez ere auzokideei.
Baita arrazoi ezberdinengatik kanpoan diren koadrilako auzokideei ere.

Larunbatean Hondarribira

Larunbaterako plana badaukagu: egun-pasa Hondarribira!

Oraindik zehaztu gabe daukagu plana, baina Alazne eta Nagore (eta apuntatzen zareten guztiok) Hondarribira joango gara. Finkatuta dagoen gauza bakarra da estropada ikustea; arratsaldeko seiak aldera izango da hori. Beraz, gainerakoa pentsatuko dugu: hondartzara joan ala ez, non bazkaldu...

Dena dela, goizean elkartuko gara. Zer iruditzen korrika-saio lasai bat eta bainutxo bat hondartzan? Eta gero gosari eder bat!

Animatu zaitezte, koadrila!