Euskal Jai eguna Getarian (koadrilako ohitura onei eustearren...)

Aupa denoi!

Azken bi urteotan koadrilako hainbatek Getariako Euskal Jai egunean bota izan dugun parranda kontuan hartuta (duela bi urtekoa antologikoa izan zen, e?! eta iazkoa, berriz, ez kontatzeko moduko horietakoa...), eta aurtengoa bihar dela jakinda, biharko gonbidapena eginda geratzen da.
Aurten dudarik gabe maiatzaren 31n beste egiteko batzuk izango genituelakoan geunden, baina argi dago Araitzek Euskal Jaietan parranda txikia egiteko aukera ez digula kendu nahi...

Beraz, hemen doakizue biharko egitaraua.

MAIATZAK 31, LARUNBATA, EUSKAL JAI EGUNA:
· 09:30ean. Goiz soinua, Getariako txistulariekin.
· 10:30etik eta 14:00etara. Frontoian, azoka.
· 11:00etan. Dultzaineroekin kalejira. Txikientzat, idi-busa.
· 12:00etan. Harritarten, ardi zakurrak lanean antzarrekin.
· 12:30ean. Sardina jana eta sagardo dastaketa.
· 13:00etan. Plazan, Larrain-dantza dultzaineroekin eta banakoa txistulariekin dantzatzeko aukera edonorentzat.
· Ondoren. Irrintzi Lehiaketa Herrikoia.
· 17:30ean. Plazan, Trikitilari Gazteen Getariako IX. Txapelketa.
· Ondoren. Bertso-Triki poteoa, Hamaika Bertuteko Julen Zelaietaren eta Jokin Labayenen eta herriko bertso eskolako kideen eskutik, Saioa eta Alabier trikitilariak lagun dituztela.
· 23:00etan. Herriko plazan, Tapia eta Leturiarekin erromeria.

Koadrilakoen artean estimu gehien sardina janak eta sagardo dastaketak duela kontuan hartuta, kedadaren bat egitekotan, 12:00ak aldean izan daiteke...

Asteburu on denoi!

gaRi*


[ koadrilako askok honela amaitu genuen duela bi urte egun horretan... ;-)
bueno, amaitu ez, argazki hau arratsaldean atera genuen-eta...]

Joxeanen amona hil da

Oraintxe jakin det gaur gaba-goizaldean Joxeanen amona zendu dala. Azken denboraldian ospitalean sartuta zebilela bagenekin. Joxeanek esan zigun bezela, gauza batek fallo egin ta atzetik beste mordua batzen zaizkio edade hoitan.

Ba hoixe, goian bego ta besarkada bat Joxean ta familiari.

Hau da hau denboaldia damakiuna...

asti

Larunbat honetan, KOADRILAKO AFARIA

Aupa gaztiak!

Apirilaren 22ko mezuan proposatu zen bezala, larunbat honetan, MAIATZAREN 17an, KOADRILAKO AFARIA dago.
Huts egin ezineko urteko lau afari horietako bat, alegia.

Zakilixuten taldeari dagokio udaberriko afaria antolatzea, eta afaria ORION izango dela erabaki dugu.

Hitzordua:
20:00etan, Errusta tabernan, Orion.

Zarautz aldetik iritsita, zubia pasata, Oriorako sarreran, errepideak kurba egiten duen pare horretan dagoen taberna da Errusta.

Berez, konfirmazio ezak baiezkoa suposatzen du. Baina azkenaldian nola gabiltzan ikusita,
eskertuko genuke zein etorriko den eta zein ez ahalik eta lasterren konfirmatzea.

Mertzi.

Bertan ikusiko garelakoan,

Zakilixuten taldeko lau sukaldariak:

Miren, Mixi, Olax eta gaRi*

Manteren amona hil da

Atzo eguerdian Jexuxa hil zen, gaixotasun luze baten ondoren. Ziur, askok duzuela gogoan Jexuxa, baina batez ere umetan Manteren txabola inguran makina bat ordu jolasean eta bihurrikerietan pasatakoak garenok ederki gogoratzen dugu bera. Hantxe izaten zen beti, txirriki txarraka hara eta hona, nekaezin bere jardunean..."En fin, çe la vie", amona Jexuxaren oroitzapen ederrekin gelditzen naiz. Jakin dezazuela gaur 19:00tan parrokian dela bere aldeko meza

Xabi

PERU JAIO DA!

13:20an iritsi da gehienon mobiletara honako mezua, Alazneren telefonotik:

“Gaur goizeko 05:30tan Peru iritsi da, maiatzeko ihintz eder moduan! Dena ondo!”.

Ez dakigu gehiago, baina “dena ondo” irakurrita, lasai geratzeko moduan gaude.

ZORIONAK, beraz, Alazneri eta Jabiri, eta ongietorri alaiena Perurentzat.

gaRi*

udaberriko afaria

Dagoenekoz udaberrian gaudela eta...
Pare bat Zakilixut topatu ginen igande goizean plaierotako finalen aitzakian. Nunbaitetik hasi behar eta afarirako fetxa zehaztea pentsatu genuen. Han geundenak kontuan hartuta (Olatxo eta Eba, Aser, Olas eta Miren) MAITZAREN 17a proposatzea erabaki genuen. Ohitura oneri segiz, ezezkoa botatzen ez duena baizkotzat hartua izango da; beraz, hasi eguna erreserbatzen eta hementxe bertan zuen berri ematen.
Bestalde, Asti, hurrengoan beharko duela ezta? Goleatzaileari saririk eman zizuten?

Iepaaaa!!!!

Iepaaaa!!!!
Ba al dabil norbait hortik???
Zer moduz aste santua??? Denak oporretan ala?? inork ez al du ezer kontatzeko??
Newyorkinos: ze mouz pasaezue sagar-handian???argazkiak ikusi nahi ditugu!!
Eta haurdun gaudenok zer??? Ze mouz dijuazte gure ondorengoak???Ze mouz lenengo ekografiak???edota azkenengoak???Eta iada hemen ditugunak zer?? Ze mouz konpontzen da Nagore bi titikin...barkatu: bi umekin???Ta ze mouz kuadrilako beste txikiak???Badirudi bloga ikusita mundua geratu dela!!! Ea hautsa pixkat aztintzen diogun piurari!!!!
Gure partetik: iada azken txanpan sartuak gera: hilabete besterik ez da falta morroxkoa mundura irtetzeko. Iada azken ekografia ikusi dugu eta 2kilotik gora ere bada!!! Irrikitan gaude besoetan hartzeko!!! Portzerto oraindik izenik ez du eta proposamenak onartzen dira. Muxu eta besarkadak guztiontzat!!!!
alazniet.

Martxoaren 8a dela eta, elezio bezpera, edota inbidiak jota...

Aupa lagunak! ba animatzen den edonori biharko hitzordua eskeintzen diot, afari-paxa lasaia egin nahi duenari, tertuliaren inguruan. Noiz eta non ba animatzen denarekin ba zeaztuko degu.
nik badut zuekin egoteko gogo pixkat...

Amaia

Lehen afaria mundiala joan zen

Ikustet inork eztual ezer idazten asike neonek hasi berko'et.
Afaya prestatu zutenak jatea jun giñanak baina gehio zian... propaganda fallua??
Halare esan berra do dana oso goxua zeola ta rezeta berriyak ikasi genitula.
Nibela topian hasi da...
Gainea, erdi nahigabe, gaua earki bukatu genun...
Bixiguek bikain bat merezi izan zuten.
Datozenak prepatzen jun!!!

asti

Urteko lehenengo afariaren data

Honezkero ariko zarete pentsatzen zertan dabiltzan afariaren antolatzaileak. Ba lasai, ez gara gure ardurez ahaztu, pixkat atzeratuta gabiltza antolamentu kontutan baina beno, ari gara zerbaitetan. Gutxienez data bat adostu dugu: martxoak 1 larunbata.

Ez da erraza izan. Batetik Olatxo, azkenaldi honetan ez dago Zarautzen geldituko duenik, bestetik Aser, zer esango dugu Aserretaz, kanpaina betean dagoela mutila! Eta Alazne eta Nerea, ba biak ala biak ahurdun! Beraz badakizue, martxoak 1 larunbata, apuntatu zuen agendeta, Outlooketan edo dena delakoetan. Laister arte!!

"Euskal Errepublikaren aldarria Espainiako Gorteetara eraman nahi dugu"

kontxo, kontxo, kontxo...

Atzo Teleberrin ikusi nuen, eta gaur prentsan irakurri dut, hainbat komunikabidetan.
Martxoaren 9ko Espainiako hauteskundeetan, Senaturako zerrendaburua da Aser Gipuzkoatik.

Eta gu ezer jakin gabe...

Informazio osatuagoa, gaurko edozein egunkaritan, edota www.aralar.net webgunean.

gaRi*

Plan aldaketa

Ajedrezeko fitxena gustatzen zait. Gogoratzen naiz ideiak botatzeko esan nuela eta nik ere botako nituela... Burua beste zerbaitetan daukat. Uste dut ez naizela aterako. 2007ko uzta oparoa izan da, baina 2008koa ere ez da motz geratuko. Laguntxo bat gehiago Ane, Klara, Araitz eta momentuz izenik gabe daudenentzat. Udara tripa handiarekin pasatzeko plana daukat. Argiago esatea nahi duzue?

Miren

Ane eta Klara etxean

Hemen dituzue gure bi txikirrinak: Ane lo eta Klara esna, biak seaska berean. Hau poza!

Asier eta Nagore

INHAUTERIAK

Inhautteriak datoztela eta koadrilako afaria egiteko data egokia dela dirudi. Sondeo moduan organizatzaileok jakin nahi dugu ea zer iruditzen zaizuen.

Por zierto, Gartxitarrok ere familia ugarituko dugu. Momentu honetan 9 astetako umetxo bat daukat nerekin.

Muxus eta ongi etorri dagoeneko etxean dauden Puertas neskatilei.

Gabon zoriontsu ta urte berri on opa dizuet

Hementxe ziak nere errepublikar postaltxoa! Laister gea gabonetan ta denori muxu haundi bat bidali nahi nizuen. Postala pornoxamarra da baino zartzaroan sartzen hasi geanez ezto arazoik

Koadrilan bi gehiago gea: ANE ETA KLARA JAIO DIA!!!

Atzo goizeko 7:47an bi neskato jaio zian 1,500 kilo. eta 1,600 kilorekin. Amatxok esan digunez Ane izango da 1,600ekoa...baina ez da segurua....
Ea idatzi beharreko danak jartzen dituten...
Astelehen arratsaldian Alazne eta Oreretako Itziar Nagoren etxian bixitan zeuden eta Nagorek oso egun ona zakala komentatu zien. Komunera joan zanian, ordea, odola galtzen hasi zen. Eritetxea hotsegin eta gero, Donostira irtetzea erabaki zuten; Aitatxo Hondarribin. Itziar Lurrekin Alaznen kotxian ospitalea; Nagore Alaznek eramango zuen Nagore eta Asierren kotxian. Itziar irten zen eta... kaosa. Nagorek eta Alaznek kotxeko giltzik topatzen ez.... garajeko giltzik topatzen ez...... AIAMA.
Azkenian iritsi zian ospitalera eta erditzea atzeratzeko eginahalak egin zizkioten. Hemen'e ez eskau nei datu asko... "Desplazamiento de placenta" ta horrelakuak aitu'itut. Baina bueno azkenian, zesarea bat egin eta dana arriskuz kanpo.
Nagore atzo ohetik jaiki ezinik omen zegoen, jaioberriak ikusi gabe, nekatuta eta mobileko bateria beya jota.
Asierrek ikusi ditu Ane ta Klara inkubadoran eta Nagorek ohetik jaiketzeik baldin badu gaur ikusiko ditu.

Ba hori, susto haundiya, lasai hartu behar. Nagorek egun batzu egingo ditu ospitalian errekuperazioan. Oaindik bixitan ez azaltzeko eskaera egin digu, hobetoxo egon arte. Blogean jarriko deu bixitatzeko mouan daudenian....

ESKUMINAK NAGOREN PARTEZ, bereziki bere etxera bixitan etorri eztirenei (JA JA JA, parre artian bota digu....)

Ni gaur goizian bere etxea jutekua nitzan... baina ez genitun hain azkar espero.

ZORIONAK FAMILIARI, MUXU MORDUA TA LASAI-LASAI HARTU.

p.d.: gaurko prepauta nazkan mendaroko txokolate bonboiak zeinek jan nahi ditu nerekin?

asti

Larunbatean Joxeanen etxearen inaugurazio afaria

Gogorarazi nahi dizuet, baten bat akordatzen ez baldin bada, larunbat honetan Joxeanen etxearen inaugurazio afaria dagoela. Atzo topatu nintzen Nagore eta Joxeanekin eta horixe komentatu zidaten. Zenbat izango garen jakitea komeniko litzateke. Poteon bat eo in biarko deu afal aurretik ezta? 20:00 tan Salegin?
PD: edari kontu, norberak eraman dezala gusokoa duen edaria

gu ere bai...

aupa denoi!

noizbait esan behar genuen, eta… tira, hemen doakizue:
eider haurdun dago.

hiru hilabete pasatxoko kontua da dagoeneko.

irailaren amaiera aldera jakin genuen, eta atzo izan genuen lehen ekografia: gozada bat, egia esan.

jakin genuenetik 200.000 aldiz entzun behar izan dugu ea noiz animatzen garen, hurrengoak gu, eta antzekoak.
presing zorrotza, egia esan, eta gu isil-isilik, irribarrea ezkutatu ezinik.

hemen doazkizue dena ondo joanez gero maiatzaren amaiera edota ekainaren hasiera alderako koadrilako haur berria izan daitekeenaren lehen argazkiak, atzokoak.

muxuak denoi.


gaRi* eta eider

[ atzo, egia esan, flipatu egin genuen...]

[ oinak, eskuak, eta behatzak ere pasote bat ikusten ziren. aluzinantea...]

[ argi dago astiri eta bioi ez ezik, eiderri ere extraterresteak gustatzen zaizkiola: begira zer-nolako martzianito aurpegia daukan honek...]

Mexiko lindo y querido...

Mexiko lindo y querido, Ruperrek azken diskoan abesten duen moduan...

Hemen doazkizue Alazne eta Jabiren etxeko aurtengo festa mexikarreko zenbait argazki.

Mertzi guztiagatik anfitrioiei!!!

gaRi*
































[ irudien gainean klik eginez gero, argazkiak tamaina handiagoan agertuko zaizkizue ]

Etxezulotik

Ez zait izenburu egokiagorik etorri burura. Badakit normalean berriak emateko edo planak eta deialdiak egiteko erabiltzen dugula Piura; baina oraingo honetan beste erabilera bat eman nahi diot nik. Etxezuloan sartuta nagoen honetan lehiotxo bat irekiko dut argi eta haize piskat sar dadin.

Gehienok jakingo duzue reposoan egoteko garaia aurreratu egin zaidala. Afarian esan nizuen hilaren 20tik aurrera etxean egon beharko nuela, ba uste baino lehenago etorri zait "entzierroa" (San Ferminen batere antzik ez duena). Kontrakzioak zirela eta beldurtuta joan nintzen ginekologoarengana azkeneko hitzorduan; baina arazoa beste nonbaitetik etorri zen: dilatatzen hasia nengoen, bi txiki hauek pisua hartzen hasiak dira (kilo bana!) eta horregatik omen da. Haurrak komeni baino lehen jaioko ez badira zutik ahalik eta gutxien egotea komeni omen da.

Ba, horixe egoera; gaur 13. eguna dut etxetik atera gabe, ohetik sofara eta sofatik oherako bidea egiten dut asko jota. Suerte piskatekin beste hilabete pare bat egingo ditut horrela (oso optimista naiz, Eguberriak arte aguantatuz gero gustura!).

Ta rollo hori dena, esateko, noizbehinka sartuko naizela Piuran zuen berri jakiteko eta bisita bat egin nahi badidazue, badakizuela non nagoen (ez naiz urrutira joango).

Muxu haundi bana!

Nagore