Beñaten argazkiak

Atzo arratsaldean Mante eta Eneritzekin egoteko eta Beñati lehen argazkiak ateratzeko aukera izan genuen.
Go-za-da bat, egia esan.

Hemen doazkizue hiru argazki.





Zorionak familia, eta eutsi irribarre horri!!!

gaRi*

[ argazkiak handiago ikusteko, argazkien gainean klik egin dezakezue... ]

Afarirako prest?

Udarako Piura Komite Gastronomikoa dagoeneko ari da larunbateko afaria antolatzen, baina oraindik garrantsitzuena falta zaigu: zenbat izango garen jakitea. Badakizue, erantzun blogean, edota deitu Nagore, Aser edo Olatxori. Mante ere tartean da baina badu beste kontu garrantzitsuagorik une hautetan....

Larunbatera arte.

UPKG

Inkubadoratik irten da

eta hasi da bularretik esnea hartzen.
Mixi.

Mixi, Xabi eta Gorka

Eskerrak zuen animoengatik denoi. Ni etxean naiz, errekuperatzen pixkanaka, baina ondo. Bixitak egiten eta "ordeñadorarekin" esnea ateratzen pasatzen dut denborarik gehien orain.
Gorka primeran dago. Kiloa eta 990g.rekin jaio zen eta orain egunetik egunera askoz ere hobeto dago. Pisua hartzen, ondo jaten... Gauzak bere bidetik doaz, eta espero dugu aste batzuetan (pisua hartzean) etxean izatea. Ea laster argazki politen bat bidaltzen asmatzen dudan (oso guapoa da, portzierto).
Ikusi arte, mixi.

Afaria gainean dugula eta.....

Ba hori, hiruhilabetereko afariaren data gainean dugu(teorian datorren larunbatean) eta kontua da jadanik ez datozenen edota etortzea konplikatua dutenen zerrenda luze xamarra dela(Asti,Olax,Gari,Joxean,Mixi,???) eta egunez aldatzea planteatzen ari garela.
Badakigu denok egotea ia ezinezkoa dela, eta fetxa bat konkretatzea ere konplikatua dela, baina ahal dugun gehienok biltzeko ahalegin bat egitea pena merezi duela pentsatu dugu. Beraz proposamen berri batekin gatozkizue: datorren aste buruko Landetarako plana tarteko,afaria bi asteburu barru egitea proposatzen dugu. Data berria: uztailak 28. Ados???

sinadura:UPKT (udarako piura komite gastronomikoa)

GORKA JAIO DA!

Eztazkat datu danak baina bueno.
Susto bat eta gero (Mixi berriz azkar-azkar berriz ingresatu behar izan zuten), eta zesarea baten ondoren, Gorka atzo jaio zen aurreikusi baino pare bat hilabete lehenago.
Haserako izualdia ta gero, biak ondo omen daude. Gorkak 1,900 kilo pisatzen ditu.
Ba hoixe, enakila jendiak bazakin, ta datu gutxikin badare, haor berria.
Kasualidadia atzo Mixin lehengusuan etxian nitzan afaitan (Joxeanekin), Joseban etxian, eta guk behintzat topeko ardo batekin ospatu gendun.

ZORIONAK FAMILIA!!! Ta ea noiz ikusten gean.

asti

sanferminak 2007, iruñean

aupa!

dakizuen bezala, ostiral honetan hasiko dira sanferminak, uztailaren 6an. sanpelaioetan elkarrekin egoteko aukera izan genuenon artean, zenbaitek komentatu genuen aurten ere ezingo dugula huts egin azken urteotako plan ederrera: zapi gorriak eta arropa zuriak hartu, larunbat goizean edo eguerdian iruñea aldera joan, eta igande arratsaldean buelta, azken urteotan bezala.

aurten, gainera, txupinazoa ostiralean denez, izango da ostiralean joango denik ere. ;-)

# beraz, honakoak dira asteburuan Iruñera joateko irteera operazioak:

· uztailak 6, ostirala, 10:00ak aldera, txupinazora: Gari.
· uztailak 7, larunbata, goizean: Mante.
· uztailak 7, larunbata, eguerdian: Eider + baiezkoan geratu zirenak
[ komentarioetan zehaztu azkenean ba ote zatozten eta noiz ]

# lotarako azpiegiturari dagokionez:
· ostiralekoa nik lotuko dut, txantrean.
· asti, larunbatekoa hire kontu? azken urteotakoa lortu ezean, txantrean lotuko dut larunbatekoa ere. zuek esan…

hasi zapi gorriak eta arropa zuriak armairutik ateratzen…
4 egun, eta 39 minutu geratzen dira sanferminak hasteko!

gaRi*

Bixkiak espero ditugu

Gaur jakin dugu, San Pelaio egunez, eta oraindik sinistu ezinda gaude. Ondo irakurri duzue: bixkiak espero ditugu eta oso gustura gaude, noski.
Zer gehiago esango dizuet ba, ni erdizka nagoela, baina hori orain gutxienekoa da, ezta?

Asier eta Nagore

OPORRAK

Kaixo,

Lehengo astean koadrilako batzuk Gau Txorin afaldu geneuen, Por tzierto, oso ondo; eta asteburuko eskapada bat egitea pentsatu genuen.

Asteko, proposamen giza: San Martin Kanpina landetan (gogoratzen urte batean....) baina oraingoan kotxetan, umeekin....

Ez da erraza lekua topatzea. Beraz, apuntatu nahi duenak lehen bait lehen.

Egun pasa joateko ere ez dago urruti.

Proposamenak onartzen dira.

Muxus eta egun on bat pasa.

ZARAUZKO ALKATETZA, ASERREN ESKU

[ Aser eta EB-Aralar koalizioko gainerako hautetsiak, larunbatean, Zarauzko udaletxetik ateratzen ]

Politikaz ezin dela hitz egin dio PIURAren hasierako arauetako batek, baina kasu hau berezia da: Aserrek erabaki behar izan baitzuen, pertsonalki, Zarauzko alkatetza Maite Etxanizi edota Patxi Elolari eman.

Hau da azalpena:

Beharbada komunikabideetatik enteratuko zineten batzuk, edota akaso oharkabean pasatuko zitzaizuen egunotako albistea, baina Aserrek erabaki latza hartu behar izan zuen ostiral gauean.
· EB-Aralar koalizioak Maite Etxaniz alkatetzatik kentzeko PSE-EEko alkategai Patxi Elolari botoa ematea erabaki zuen.
· Zarautzek 21 zinegotzi ditu, eta alkate izendatua izateko gehiengo osoa behar denez, alkategaiak 11 boto behar zituen.
· Maite Etxanizek EAren 5 botoak zituen.
· Imanol Lasak EAJren 5 botoak.
· Patxi Elolak, berriz, PSE-EEren 5, EB-Aralarren 4 eta PPren 2: guztira, beraz, 11 boto, alkate izateko bezainbeste.

Aralarrek, ordea, ANVri legozkiokeen karguak ez hartzea erabaki zuen aurreko astean, baina kasuan kasuan salbuespenak egin eta herri bakoitzeko egoera aztertzeko asmoarekin.

Zarauzko kasuan, hartzekotan, Aserri zegokion ANV baliogabetu izan ez balute legozkiokeen 4 zinegotzietako baten kargua hartzea.
Eta hori zen zehazki, Aserrek erabaki behar izan zuena:
· ANVri zegokion kargua hartu eta Patxi Elolari alkatetza ematea.
· Edota kargu hori ANVri zegokiolakoan berak kargua ez hartzea eta, beraz, alkatetza berriro ere Maite Etxanizen esku uztea.
· Izan ere, erabakigarria zen Aserren botoa: Aserrekin, 11 ziren Elolaren aldekoak, eta alkatetza lortuko zuen. Aser gabe, 10 ziren Elolaren aldekoak, eta gehiengoa ez zenez, Maite izango zen berriro alkate.
Aralarrek Aserren esku utzi zuen erabakia. Aserren erabaki pertsonala izango zen karguari uko egitea ala ez egitea.

Ez zen gozoa izango Aserren larruan egotea ostiral gauean:
bere erabaki pertsonala zen Zarauzko alkatetza zeinen esku utzi…
· Larunbatean, dakizuenez, azkenean ez zuen zinegotzi kargua hartu, eta Patxi Elola 10 botorekin geratu zen.
Maite berriro alkate…

gaRi*

Sanpelayuak 2007

Ze in behar deu Sanpelayotan?
Joxeanek komentatu didanez, koadrilako batzuk egon zeate hitzeiten, afaitako lekua folloitik piskat apartauta hartu beharko deun edo.
Bada, bota ideiak, brainstorming, ideia zaparratda, idoiazatarrada (Joxean dixit)...

asti

PILAK KARGATZEA IBIZARA

Bueno jetillaje... hemen geatze zeate. Maleta bukatzea nua.
3tan abiona hartu ta Ibiza ezautzea nua. Nik'e aitatxo izan naet.

AYO PELAYO.

Astebeten bueltatzen ezpanaiz.... BIXITAN ETORRI.

Asti

Naia jaio da! ZORIONAK AINHOA ETA IÑAKIRI!!!

Mezu hau iritsi zaigu gaur arratsaldean mobilera, 18:56an:

“Kaixo, Naia naiz! Gaur arratsaldean jaio naiz. 3,1 kg. Denak oso ondo”.

Alegia, Ainhoaren eta Iñakiren alaba oraintsu jaio da!

ZORIONAK BIEI, eta ea laster hirurak bisitatzeko aukerarik dugun…
Bitartean, gozatu momentuaz, zaindu zaitezte, egin irribarre, eta muxu handi-handi bana!!!

Eta noski, ONGIETORRI NAIA!


gaRi*

ZORIONAK MAIATZAREN 28koei...

Asti eta Olaskoagaren urtebetetze eguna da gaur...
32 urte dagoeneko.

Zorionak biei!

[ zer, oraindik larunbateko erresaka pasatzeko izango duzue, ezta? ]

Larunbatian ze plan?

Kaixo kuadrilla!
Larunbateako pare bat plan atera daitezke;
bata, Getaiko plana. Aurreko urtian ibili giñan bezela, sardina jana etab. Pertsonalki plan honek iten ziak tilin neri.
Bestea Arraio irratiko festa omen ziok eta bai Asti eta bai Gari dudatan zeudek ze demontre ingoyen!
Ea zuen erantzunak bideak argitzen dizkiguten...

axi

Bizitza, izar iheskor puta hori...

Atzo arratsaldean mezu hau bidali nizuen denoi.
Gerora Aserrekin hitz egin arte, ez nintzen ohartu duela hiruzpalau urte denboraldi batez Aserrekin ibili zela...

muxuak denoi.

gaRi*


BIZITZA, IZAR IHESKOR PUTA HORI...

atzo goizean, BERRIA egunkaria zabaldu eta irribarre samurra atera zitzaidan, itsasoan galdutako marinelen bikoteekin eta senideekin osatutako bi orrialdeko erreportaje hunkigarria aurkitu eta irakurri nuenean.
institutu garaiko ezagun batekin gogoratu nintzen, oihanarekin, haren aita itsasoan galdu baitzen aspaldi, eta kantu hunkigarri bat egin baitzion alabak.
gustukoak zituen poemak.
gustukoa zuen abestea.
gustukoa zuen lagunen poemak musikatzea.
eta aitari kantatzea.
zarauzko tabernaren batean ere ezagutu genuen gero, zerbitzari moduan.
ez dakit zergatik, baina harekin gogoratu nintzen atzo goizean, BERRIA egunkarian itsasoan galdutako marinelei buruzko bi orrialdeak irakurri nituenean.

bizitzaren kasualitate putakume horietako bat izango zen beharbada.
atzo arratsaldean berriro ere oihanaz hitz egin baitzidaten lagunek.
istripua izan zuela atzo, autobidean.
istripu arina, baina anbulantzian sartu zutela azkenean.
eta gero kamioi batek eraman zuela aurretik anbulantzia.
telebistan ere eman zituztela irudiak.
eta oihana oso larri zegoela.

orain telefonoak oihu egin du.
hil egin dela esan dit beste aldeko ahotsak.

eta ezin lanean segi.
ezin beste ezer pentsatu, idatzi, sentitu.

oihana alkorta hil da.
galdutako marinel haren alaba.
institutuko neska hura.
taberna hartako zerbitzaria.
haren abestiak geratuko zaizkigu.
eta haren oroitzapena.

izar iheskor puta bat besterik ez da bizitza, batzuetan oihanak bezalako distira badu ere...

Herri Urrats 2007

Atzo, azkenean, koadrilako hainbat lagun animatu ginen Senpereko lakuaren inguruan egun-pasa egitera:
Alazne, Aser, Olaskoaga, Olatxo, Eba, Eider, eta ni neu.
Bero ederra egin zuen, egia esan.

Orain lanpetuta nabil, eta argazki bakarra sartuko dut, baina, egia esan, zientoka ditut hemen.
Ea denbora dudanean sartzen ditudan beste batzuk.

Astelehen on denoi!

gaRi*

Erantzunaren zain...

Hi, Aser: erantzun al diok Olaskoagari?

HIRE FURGONETA BEHAR DIAGU ASTEBURUAN
[ eta bide batez esanda, horrela jartzen baldin bahaiz, ba, tira, hi heu ere etor haiteke furgonetarekin.
Ez diagu eragozpenik ].



Zertarako behar dugun jakin nahi duenak:
· www.herriurrats.com

firma

aurreko mezua firmatzea ahaztu zait! Ta aprobetxatzeet Nagoreri muxu handi bat bialtzeko anginekin dagoela!!!
alazne

furgosafaria

Aupa kuadrila!!!
Ba komentatzeko kuadrilako lenengo furgosafaria oso ondo irten dela eta hortaz furgosafari plana aldiro errepikatu behar dela erabaki dugu!!!
Eguraldiak etzigun geiegi lagundu baina konpañia ona denean...Larunbat eguardian irten, arratsalde pasa Landetan(scrable partida, hondartzan egonian...) eta ondoren afaipaxa Manex,Beni,Nahikari ta Joanakin(hauek ere Landaplana egin zuten).Gero gabean furgotertuli pixkat eta lota. Hurrengo goizian batzu surfeatzea ta besteak lakuari bueltatxua eman ta eguerdirako Oreretan ginen gero atsaldean bertan zegoen artisau azoka ikusteko ta afaltzeko bakoitza bere etxian. Plan konpletua!! Hurrengo furgosafaria mendi aldea egiteaz hitzegin genuen (Salbada aldera) baina ez genuen fetxarik itxi. Ondo eongo litzake bigarren furgosafarira jende geiago animatzea: furgonetarik ez da falta kuadrilan eta batzuk gainera oso ondo prestatuta dauzkate (Olatxok eta Ebak adibidez...).

Joango al gara Bordelera?

Iepaaaaaa! Ba al duzue planik astebururako? Zer iruditzen Bordelera joaten bagara Anne bisitatzera? Oraindik ez dakit asteburua libre daukan, baina bihar jakitea espero dut, asteazkenean, alegia.

Gogoa baduzue esan, eta plana antolatuko dugu. Alaznek esan dit aukera ona izan litekeela furgosafarirako. Proposamenetarako irekita gaude. Animatu, eta Bordelera ez bada beste lekuren batera joan gaitezke pare bat egunetarako.

Nagore

Larunbateko afaria

Zee? Ba al da bloga erabiltzen duen norbait???? Ez al du inork larunbateko afaiko komentaioik in ber??? Nik neronek egitea ez dakit ondo dagoen. Argi dagona da inbitaziuen temak ongi funtzionatu zuela: asistentzia mundiala!!! bertako aurpegi eta komentarioren bat ikusi eta entzun ondoren kritikaren bat espero nuen baina hemen danak isilik!!!Ba benga: hasi hitzeiten!!!

alazniet

Zorionak ASER!

Gaur apirilaren 2a...
Tira, batzuetan gogoratzen gara.

Grisa, euritsua eta bustia esnatu da eguna, baina, beno... animo!

ZORIONAK, eta ondo pasa eguna!

alazniet

Aupa kuadrila!!!!!!Hemen NYketik zuzenian!!! Ezdakitenetzat Jabi ta biok Manhattanen gaude aste bete pasatzen eta egiya esan flipatzen ari gea. Oraingoz hiria pateatzen pasatzen deu eguna (denbora guztian gora begira ahoa irekita!!) eta arratsalde partian zerbeza batzuk hemengo garito autentikotan. Oraindik ezteu New Yorkeko gaua ezautu baina agian gaur... Egiya esan luxusko giak dauzkagu (nere lengusua Txarli Azarotik bertan bizi da eta hemen beste elementu batzukin juntau da ta bakizue...) ta gu eramaten usten gea....Hau izugarriya da!!!! Beno bueltakuan kontauko!!!Muxu danontzat!!!

gonbidatuta zaudete

Gaurko HITZAn ikusiko zenuten beharbada batzuek,
baina, tira, gaur gauean beste plan hoberik ezean
gonbidatuta zaudetela esatea ere ez dago soberan...

mxk!

gaRi*

UTZI KAZETARIAK BAKEAN, DEDIOOO!

EFE albiste agentziaren argazki artxiboan, gaur:

Llegada al Hospital Donostia de la ambulancia que ha trasladado desde Madrid al preso Iñaki de Juana Chaos, que hoy a puesto fin a la huelga de hambre que ha mantenido durante 115 días. Agentes de la Ertzaintza han impedido a golpes que nadie se acercara a expresar su solidaridad con el preso. En la imagen, el periodista Gari Berasaluze ha sido agredido en la cara cuando trataba de hacer una fotografía. (Ertzaintza - Ertzaintza; Polizia - Policía; POLITIKA - POLITICA [POL];Mobilizazioak - Movilizaciones; Kartzelak -Cárceles; Presoak - Presos; Gose greba).

ZORIONAK AMAIA

Berandu bada ere Zorionak eta MUXU HANDI BAT!!

Aser

SATXOTA?

Ba, hoixe... osteguna... ta batzu Satxota juteko intentziyuakin.
Norbaitek apuntau nahi bau.... axkar-axkar idatzi.

smell the sagardo

asti

IHAUTERIAK

Aupa!
Ez dut blogean albiste berri bat sartzea lortzen.
blog zaharra eta blog berria eta google-en kontu berria ireki beharra
eta ez dakit ze arraio... baina ez dit uzten.
beraz, mezua pasatzen dizuet:
larunbat honetan Azken Portuko II. Bertso Tourra izango da, eguerdian,
auzoko tabernetan barrena, iaz bezala Xabier Silveira eta Fredi Paia
bertsolariekin, trikitilariekin...
Eta gero urtean zehar Azken Portuko baratzean bildu ditugun
babarrunekin-eta bazkaria, merke-merke, 6 eurotan.
Kriston giroa eta parranda aseguratuta.
100 bat lagunentzako bazkaria prestatuko dugu, baina osteguna baino
lehen hartu behar ditugu txartelak, zenbat izango garen zehazki
jakiteko.

De luxe legoke koadrilako hainbat ere animatzea, erdiak baino gehiago
azken portun sortutakoak garela edota bertan bizi zaretela jakinda.
eta lagunak ere gonbidatu daitezkeenez, azken portu bihotzean soilik
eramatea nahikoa da etortzeko.
plan ona, ezta?
egitarau zehatza, fotologean jarri dut gaur: www.fotolog.com/kalaportu
animatu!!!!
muxuak denoi.

gaRi*

Ostegunero Satxotara afaita

Pasa dan astian Alaznek egin zuen deialdira 6 pertsona azaldu ginan. Kixton afaia izan zan, benetan, kixtona. 10.30tako danak etxian. Ostiralian ondoik ez; eskerrak, bestela ez genuke errepikatuko.

22-23 eurona ordaindu genun. Jaten gehiegitxo atera zuten (gehio ginala uste zuten).
Alaznek botatako datua: asteazkenero Orioko harakin danak bertara juten dia afaita... Haragia bertan gustoa hiltzeko mokua zeon...

Lo ditxo: ostegutan juteko idea erten zan, eo asteazkenetan...
Sardiña zarran tortilla mitikua're proatzeko mokua dao...

TTTXXXXOOOOOOOOOOOOOOOOOOOTXX !!!

asti

BERRI MUNDIALA!!

Egokiena MANTEk berria ematea litzateke, baina oraindik interneta arrotz egiten zaio, halako baten lortuko diagu mutila modernizatzea, jeje...

Kontua da, atzo ezkontzako DVD ikusgarria ikusten ari ginela, Eneritzek notizia luzatu zigula: HAURDUN NAGO!!! Badirudi ezkon bidaia primeran joan zitzaiela, baina ez gara detaile morbosoetan luzatuko. Kontua da, berria jakitean denoi burura etorri ohi zaigun galdera etorri zaidala burura, NOLAKO UMEA IZANGO OTE DU MANTEK? eta interneten saltzeatzen adibide egoki bat topatu dut, ea ze iruditzen zaizuen.

Larunbateko afariari nota jartzeko ziber-asanblea

Astelehen off denoi:

PKNk, larunbateko afariaren balorazioa egiteko ziber-asanblea martxan jarri nahi du lerro hauen bidez.
Lau gauza hartuko dira kontuan nota jartzerakoan: jandakoa, betekada, kalitate-prezio oreka eta animalien eskubideak errespetatu izana.

Datuak:
· Sukaldariak: Eros, Joxean eta Nerea (Gartxik ere lagundu zien).
· Lekua: Galeperra elkartea.
· Eguna: 2007-01-13


—Otordua:
· Patea: ez gara gogoratzen, baina pikatzeko patea genuen, ezta?
· Patata entsalada epela, piper gorriekin eta arrainarekin: ummmmmmmm… ze goxoa zegoen!
· Patatak gazta saltsarekin: ummmmmmmmm! Ezin goxoagoa atera zitzaizuen!
· Olagarroa: egundokoa! Batzuk galegoz hitz egiten ere amaitu genuen.
· Sorbetea: puntazo ederra. Inork espero ez zuena. Bikain.
· Oilaskoa saltsa zuriarekin. Ordurako beteta geunden arren, so ona zegoen. Saltsa ere bai, baina betegarria.
· Gazta eta intxaurrak. Ez zen oso kurratua izan, baina presentazioarekin disimulatu zenuten behintzat.

Laburtuz, egundoko afaria.
· Nota: 8,5.

—Betekada:
· Gehiegi jan izanaren sentsazioarekin atera ginen. Egundoko betekadarekin. Alde horretatik, kaloria gehiegiko afaria izan zen. Azkenean soberan geratutako oilaskoa, eta gazta eta intxaurrak dira horren lekuko.
· Nota: 6.

—Kalitatea-prezioa:
· Egundoko afaria egin genuen, denetik janda.
15 euro izan ziren, baina botea zegoenez, 10 euro ordaindu genituen azkenean bakoitzak. Ondo.
· Nota: 7,5

—Animalien eskubideak (www.todosomosanimales.org):
· Eztabaidagarria izan daiteke, baina…
guk hasierako patea jan ahal izateko ahateek sufritutakoa, entsaladak zeukan arraina, olagarroa, saltsan jarritako oilaskoa, eta amaierako gazta egiteko ardiek jasandako tratua.
· Menuaren oinarria hildako animalien haragia (arraina, olagarroa, oilaskoa), eta animalien eratorriak izan ziren (patea, gazta eta saltsak zuen nata).
· Nota: 3.

Lau alderdi horiek kontuan hartu, eta zuek jarri nota.

Muxuak denoi.

PKN

Azken Portu 2007, kolore gehiagoko herria

Aupa!

Ia koadrila erdia Azken Portun bizi denez, eta exilio inmobiliarioaren ondorioz kanpoan bizi arren koadrilako beste hainbat Azken Portukoak garenez, biharko deialdi baten berri ere eman nahi dizuet, norbaitek afarira joan aurretik beste planen baterako gogoa izanez gero.
Bihar goizean, Azken Portuko gazteok (bai, gazteok idatzi dut) 2007ko lehen murala margotuko dugu. Badakizue, auzoari are kolore gehiago eman asmoz.
Azken Portun bizi zareten guztiok, exiliatuok eta gainerako lagunok ere bai, gonbidatuta zaudete brotxak hartu eta gure artean aritzera.

Hitzordua, 08:00etan, Gurian.
Eta bestela, Aser eta Kattaren etxearen alboko parkean aurkituko gaituzue goiz osoan zehar.

Animatu!

gaRi*

Itziar berriro haurdun dago!!!

Aurreko albistearen komentario moduan esan du esan beharrekoa Mixik, apal... baina honekin albiste berria sortzeko modukoa da notizia: Mixi berriro haurdun dago.

Hona kontu horren inguruko bere hitzak:

"Berriro ere haurdun nago. Oso gutxiko oraindik, sei asteko, baina ginekologoak esanda baja hartu behar izan dudanez, jendeari ezin ezkutatu. Berriz gorputzaldi eskasarekin nago baina pozik. Ea oraingoan gauzak ondo ateratzen diren".

ZORIONAK, MIXI!
Eta Mixik ez badu esan ere, aita Xabi dela suposatuz, zorionak hiri ere, Xabi!!!

Guk ere desio bera dugu: ea oraingoan dena ondo ateratzen den!

Zaindu, eta gozatu.
Muxurik goxoenak.

PKN

EKIPO "1"ari GALDERA...eta bide batez URTE BERRI ON DENORI!

kaixo denoi;
urtarrilak 13, larunbat hau alegia, gogoratzen badezue, 1. taldekoei dagokie afaria antolatzea.. nik gogorarazi bakarrik egiten det, eta galdera bota:
Non izango da? Ordua??? ...

Bide batez, urte berri on ! guztiontzat.

muxu,

amaia

p.d. 1- taldekoak, oker ez banaiz Joxean, Nerea eta Eros ziren.

Argazkilaritza

Aupa!

Koadrilan Jabi bezalako argazkilari bat edukita, beste guztiei lotsa ere ematen digu argazkiak erakustea, baina denok nonbait ezkutatuta dugun artista horrek tarteka elikatzeko beharra ere izaten duenez, proposamen berezi batekin natorkizue gaur:
Fotologak sortzea.
Zer dira fotologak?
Oinarrian argazkiak dituzten blog antzekoak.
Interneten, arrakasta gehientsuen duena, eta beharbada ezagunena, www.fotolog.net da. Erraza da bertan zuen orrialdea sortzea. Egunean argazki bat sartu daiteke, eta gero, fotologak dituzten gainerako kideek dute argazkiak komentatzeko aukera.
Guk ateratako argazkiak, gustukoak ditugunak edota dena delakoak sartu daitezke fotolog hauetan.
Nik gaur zabaldu dut nirea: www.fotolog.net/kalaportu
Zein da zuenaren helbidea?
Ea barruan duzuen artista hori mimatzen duzuen…

Muxuak denontzat.

gaRi*

alazniet

Iepa!!
Gaur Ostirala arratsaldeko 19:30tan, Oñatiko institutoko aretoan, Lucio Urtubia anarkista mitikoaren hitzaldia izango da. Jabi eta biok ia seguru bertan izango garela. Animatu!!Benetan entzuteko interesantea izango dela!! Ea bertan ikusten garen!!

GABON "ESPIRITUA"

Zalantzaz idazten det, ez bait dakit oraindik baterenbatek bloga begiratzen ote duen edo.. hori konprobatzeko aukera izan daiteke mezu hau.

kontua da Gabon "espiritua" sartu zaidala bapatean eta kuadrilako gabon afari gaua antolatzea bururatu zait.
Eguna: abenduak 23, larunbata.
Lekua: San pelaioko sozidadea izan daiteke, konforme baldin bazarete behintzat.
Menua: zehazteko.
Postrea: errege roskoia.

Beno, ba laguntzaile pare bat beharko nituzke, konprak, e.a. antolatzeko .. eta nola ez zein animatuko litzatekeen ere jakin.

animo, jeronimo... gabonak ospatzen hasteko modu hobeagoriki ez: KUADRILLAN.

muxu danoi,

amaia

Hiztegien eskaintza

Kaixo koadrilla!

Elhuyar hiztegia berritu egin dute, eta dagoeneko salgai dago. Honek propaganda itxura du, ezta? Ba, lasai, kontua da langileontzat % 20 merkeagoa dela. Beraz, inork erosteko asmoa badu (44 euro dendan), esan diezadala, eta merkeago ekarriko diot.

A! Elhuyarren beste produktuak ere merkeago ditugu langileok; beraz, beste edozer nahi izatera eskatu besterik ez duzue. Eta zalantzarik baduzue galdetu.

Nagore

Aurrekoa idatzi duena ni naiz: Alazne
Ez dakit nola firmatzen den

Aupa!!!!
Pixkat kostau zait honea sartzea nombre de usuarion koadrilarenpiura idatzi beharrean kuadrilarenpiura idazten nuelako!!!Kostau zait konturatzia!!!!
Oiartzun aldetik berri geiegi ez: bihartik larunbatera grabaketa bat egitera noala lenengo Alemanira eta gero Sevillara base militar yankietara. Ez dakit oso ondo zertara nuan ere baina uste det spot antzeko bat grabatu berdeula...kontauko bueltakuan!!!
Portzerto Axi: uste det Ostegun gauean Madriden gaua pasa berdeula. Deituko!!!

Mini oporrak Zaautzan

Bai alaxe natxiok ba, almudenako zubia dala ta. Besarkada bana guztioi ta animatu berriak sartzera eztek eta horren zaila.
Olas

Nola sartzen da berri bat gure blogean?

PKNk, Nagorek eta Amaiak bakarrik dakigu blogean berriak sartzen (barkatu norbait ahaztu bazait); eo guk bakarrik demostratu deu. Aitzakia txarrik ez eukitzeko hor doa gida:

1. Blogian eskuiñian beian, "I Power Blogger" botoia sakatu.
2. "Acceda a blogger" zapaldu. Bertan, "Nombre de usuario"n, koadrilarenpiura idatzi eta "Contraseña"n blogabloga idatzi.
3. "Nueva entrada" zapaldu ta kitto; idatzi eta atondu zuen berria iaia Word bat balitz bezela.

Urtebete da Piura astekaririk gabe; garai hartan baino gutxio idazteu jendiak...

Ayo

asti

Ainhoa eta Eros haurdun!

Iñakik denoi bidali digun mezua:
"Benjaminak guraso?????
Ba, badirudi baietz. Kuadrilako gaztetxoek umetxo bat espero dutela. Dena oso ondo doa eta kriston ilusioakin. Ea dena ondo ateratzen den, eta kanajoa sano, natural eta gerreroa ateratzen zaigun.

Ondo izan.

Mutilak, orain arte neskek bakarrik ekarri zuten umea, guk ere jarraipena eman beharko diogu hasiera honi, ez????

Iñaki."

KUADRILLA EGUNEAN ZER????

Aupa Kuadrilla !

ze animotan aurkitzen gara larunbaterako? bazkaria hartuko al degu nonbaiten ? nor animatuko litzateke????

ZORIONAK NAGORE !!


amaia

Astelehena, ezta?

Pendejos y pendejas: kriston astelehena, ezta?
Nik behintzat, e-gun-do-ko-a!!!





Uffffff...

Animo denei!

Gari

[Jendea argazkiak bidaltzen ari zaigu, blogerako. Primeran! Hemen doa Iñakik bidalitakoa].

Alazneri amona hil zaio

Gaur eskelatan begiratu eta beste berri txar bat idatzi beharrean aurkitu gea. 87 urterekin zendu da Mª Luisa Alfaro, Alaznen amona, 87 urte zituela.
Elizkizunak 6.30tan izango dira, frantzizkanotan, nahi edo ahal duenarentzat.

BESARKADA BAT.



Bestalde, Mixi bihar etxera bueltatuko dela ere jakin dugu. Atzo kalenturarekin omen zegoen. Odol frogak egin eta ezerren okerrik ezbada, laster dugu berriz Zarautzen.

AUPA MIXI.

Itziarrek eta Xabierrek umea galdu dute

Lantzean behin gure blog-ak berri txarrak ere zabaldu behar ditu.
Iñigitoren deia jaso dugu; Itziarrek umea galdu duela esanez. Donostiako "Materno"an dago, norbaitek azaldu nahi balu, eta pare bat egunean etxean izango dela esan digu. Atzotik asko errekuperatu da eta animoz nahiko ondo ikusi omen du Iñigok.
Besarkada eta muxu potolo bat familiari eta eutsi goiai!

Manteren despedidako zenbait argazki

Kostata, baina azkenean hemen doazkizue duela bi asteko despedidako zenbait argazki...

Andele, andele! Arriba, arriba!

Ostiralerako plana proposatzen du Alaznek: festa mexikarra! Andele! Joan den asteburuan sobratutakoak aprobetxatzeko eta Alazneren urtebetzea ospatzeko Jabi eta Alazneren etxean elkartuko gara. Arriba, arriba!

Bide batez, argazkiak ikus ditzakegu. Nik Euskal Jai egunekoak eramango ditut, eta beste parranda-egunen batekoak. Zuek ere animatu, eta ekarri dituzuen argazkiak.

Nagore

Ilargiraino eta buelta

Larunbat goizeko 09:00etan etxetik atera, eta atzo arratsaldeko 19:00etan buelta. Bi egun munduaren arrastorik gabe. Bi egun out. Bi egun zuekin. Bi egun, aspaldiko partez, ia guztiekin. Bai, badakit jende asko falta zela. Bazkaltzen ari ginela aipatu genuen Mixi bakarrik falta zela, baina nik Eider ere gogoan nuen, eta beste norbaitek Asier izango zuen gogoan, eta besteren batek Eba, eta norbaitek Iñigo, eta besteak Ainhoa, edo Oskar, Nagore, Bittor, Eneritz, edo akaso hemen idatzi ezin den norbait, ez dakit, baina kontua da azkar pasatu zitzaizkigula orduak, eta aspaldian bezain samur sentitu nuela jendea, eta orain batekin eta gero bestearekin aipatutakoa oroitzen dudala: pasatu daitezkeela hilabeteak, urteak edo dena delakoak bata bestearen arrastorik izan gabe, edota munduaren beste puntan egonda, edota auskalo zer, baina benetan norbait behar dugunean badakigula hor izango dugula edonor, edozertarako, eta handia dela hori.
Goizaldeko 05:00ak aldera taberna batean Pirritx eta Porrotxen Maite Zaitut abestia jarri zuten, eta erotu beharrean abestu eta egin nuen dantza. Baina Asti bakarrik zegoen orduan, eta Astirekin aritu nintzen saltoka abesti horrek iraun zuen bitartean. Eta bai, badakit gau osoan bati eta besteari “Asti onena da!” esanez jardun nuela, baina larunbat gauean sentsazio bereziarekin dantzatu nuen Maite Zaitut hori. Ez dakit zergatik, benetan, baina Maite Zaitut orokorrago bat zen, gustura, ia denak hurbil sentitzearena, hor gaudela jakitearena, eta hori konpartitzeko aukera dugula ikustearena.
Samurtasuna ez dugula galdu, alegia.
Handia da ez dakit zenbat denboran ikusi ez duzun norbaitekin solasean hasi, zerbait esan, eta hark zure blog bateko poema zahar baten esaldia aipatzea. Horrelakoak ez dira inoiz ahazten. Ez dut inoiz ahaztuko, Nagore. Ez dakit, baina Oiartzungo kilometroek, garai bateko koadrilen egunek, elkarrekin kanpin denda baten barruan emandako gauek, Erostarberen despedidak, Getariako parrandak eta beste hainbat momentuk utzitako arrasto bera utzi du asteburu honek nire barruan, baina plus batekin. Hilabeteak edota urteak zirela akaso batekin edota bestearekin hitz egin gabe luze, edo serio. Eta larunbat honetan bat harrapatu nuen, eta gero beste bat, eta hurrengoan bestea, eta beste bat… denak ez, noski, baina bai zenbait, eta denak gozada bat zaretela sentitu nuen. Gehiago ala gutxiago, baina badugula oraindik elkarrenganako zerbait. Maitasuna. Bai, maitasuna, lotsarik gabe.
Eskimalek elurra izendatzeko ehun izen inguru dituzte, eta guk guztiei elurra esaten diegu, bereizi gabe, haize ezberdinei haizea esaten diegun bezala. Guretzat lizarrak, pagoak, haritzak eta gainerakoak zuhaitzak dira, eta kurloiak, enarak, txantxagorriak eta gainerakoak, txoriak. Gero eta pobreagoak gara hizkuntza aldetik, eta maitasunari ere beste konnotazio bat hartzen diogulako akaso, edota zerbaitek lotsatzen gaituelako hitz horren aurrean, edo auskalo zergatik, baina sentimendu zehatz batzuei izen jakin batzuk ematerakoan erreparoak ditugu. Baina bi segundo pentsatzen jarri, eta argi daukat: maite zaituztet, ilargiraino eta buelta!
Larunbateko hainbat momentu eta argazki gogoratu, eta irribarre egiten dut. Oporraldi eder batetik bueltatzean bezala. Astelehena gogorra izan arren, lana gainezka eduki arren, maite dituzunei eskaintzeko ia denborarik ere izan ez arren, “berriro ere, noizbait iritsiko da gure eguna” pentsatu ohi dugu horrelakoetan, askotan egun horiek igarotzen ari garela edota igaro berri ditugula ohartu gabe. Zoriontasuna, azkenean, orduka lan egiten duen behargina da, eta asteburu honetan gure artean ibili da lanean, ez daukat dudarik, segur aski ondoan genuenean ohartu ez ginen arren.
Maite dut Javi gure artean irribarrez ikustea, kart-etako txapeldun gisa podiumaren gorenera igo eta domina eta txanpain botila jasotzerakoan. Maite dut Astiren autoan sartu eta bidaia kosmikoa hastea, musika lagun, leihoaren kanpoaldeakoa beste mundu bat balitz bezala. Maite dut urtean behin bada ere Mante gure artean dugula sentitzea. Maite ditut Nagorerekin hitz egindakoak, Amaiaren samurtasuna, Aser eta Kattari esandako guztiak, Alazneren sekretuak, Olatxoren irribarrea, eta hemen kabituko ez liratekeen beste asko eta asko. Orrialdeak beharko genituzke, denok, besteengan maite ditugun kontu guztiak idazteko. Ez daukat dudarik.
Orain, ordea, ez daukat denborarik.
Egia da.
Baina maite zaituztedala esan nahi nizuen gaur, ez dakit zergatik.
Pirata Etxeraino eta buelta.
Ilargiraino eta buelta.

Onenak zarete.

Muxuak denontzat.

Gari

Gaur, BERRIA egunkarian

Aupa Nagore!
Eta animo denboraldi berriarekin!

Besarkada bat.

Gari

EUSKAL JAITAN ZER?????

Hamaiketakoa eta bazkaria Kurpilen komentatu zen, baina Olasek bakarrik deitu nau zer egin behar degun galdezka. Beraz, ea lehenbailehen jendea harremanetan jartzen den,... Nere aldetik ez dago arazorik janariaz arduratzeko, baina zenbat izango garen jakitea gustatuko litzaiake.

Hamaiketakoa: Olas, Asti, Cristian (lagun frantzesa, duela urte batzu gurekin ospatu zuen urtezahar eguna), ni...

Bazkaria: Olas, Cristian, ni...

Ea telefonoak astintzen ditugun eta koadrila majo bat elkartzen garen. Haurrak ere onartzen dira...

Atzo, BERRIA egunkarian

Komentariorik gabe, ezta?

Udako ostiral gau bat

Egunon denoi!

Badakit batzuk kanpoan dabiltzala, eta beste askok uda garaian ez dutela bloga irakurtzeko aukerarik, baina, tira, ordenadore aurrean zaudetenenontzat: uztailaren 14a da gaur, ostirala, uda, eta hemendik kilometro batzuetara Pobre de Mí abestuko badute ere, hemen, Vista Alegreko jaiak ditugu, ‘Aupa Etxebeste!’ emango dute Munoan, eta eguraldi ederra egiten du.

Alegia: animatuko al gara gaur bokata batzuk jan eta buelta bat ematera hor nonbait???

Gari

Larunbat gaueko sanferminak

Hona hemen larunbateko zenbait argazki.


[11:00etan Azken Portun geratu eta eguerdirako iritsi ginen Iruñera. Bero ederra egiten zuen!]


[Alazne azkenean ez zen animatu, baina gogoan izan genuen!]


[Gaua iritsi ahala, parrandarako gogoa ere areagotzen joan zitzaigun]


[Korearrek egundoko koheteak dituztela-eta, aurtengo Azken Portuko jaietarako txupinazoak erosteko negoziatzen]


[Kaldereria kalean, sua, bengalak, eta parrandarako giro ederra!]


[Xiana eta Asti. Viva Galiza ceibe!]


[Goizaldeko 06:20 aldera, zalantza: entzierroa iritsi arte eutsi, edota etxera joan eta entzierroa telebistan ikusi...]


[Azkenean, furgonara lotara joan zirenak esnatu genituen, Luxek eta Ainhoak Berriozarren utzi zitugen etxera eramanarazteko]


[Eta hozkailua hustuz, sofan ikusi genuen entzierroa, eta handik ohera, beste urteetan baino apur bat txintxoago].

GORA SAN FERMIN!!!

PKN

SAN FERMIN TXIKI

Kaixo San Fermineroak
Zer moduz pasa duzue? Oraindik erresakarekin edo? San Fermin gaua goxatu ez dugunok jakin nahi dugu zer moduz ibili zareten.
Honako mezu hau koadrilako piura txikientzat da. Itziar Eizaguirreren ahizpa Iruñan bizi dela eta atzo bertan izan ginen San Fermin-etako beste ikuspegi bat ezagutzen. Merezi du. Erraldioak oso oso dotoreak, hori da dantza egitea. Eta buruhaundiak? benetan inpresionatzen zuten. San Fermineri (argazkian ikusi dezakezue) lore batzuk emateko aukera ere bazegoen, baina kola izugarrizkoa zenez paso egin genuen. Oso giro polita zegoen. Beno, aukeran bero gehiegi. Baina tira alkoholik gabeko zerbeza pare bat eta kitto.
Muxu bat denentzat.

San Fermin, San Fermin, San Fermin...

Sanpelaioetako erresaka pasatu gabe (atzo gauean oraindik txosnetan koadrilako zenbait lagun geratzen ziren, oraindik ere gazteak garela erakutsi nahian), dagoeneko hurrengo parranda handiaren proposamena mahai gainean jarriko dugu.

Izan ere, astebete besterik ez da geratzen sanferminak hasteko, eta aurreko urteetako esperientzia ikusita, eta aurten ere koadrilako batek baino gehiagok dagoeneko larunbatean Iruñera joateko asmoa agertu duela ikusita, honakoa da proposamena:

—UZTAILAK 8, LARUNBATA, 15:30ak aldera geratu eta Iruñera, sanferminetara. Ohi bezala, igande arratsaldean itzuliko ginateke.

Dena esan dago, ezta?
GORA SAN FERMIN!!!

PKN

Koadrilako lehen politikoa

Gaurko egunkariak zabaldu eta... ieeeeup... hori da ezustekoa hartuko zuena akaso batek baino gehiagok.
Zarauzko Aralarrek jendaurreko lehen agerraldia egin duela, eta tartean, Aser.



Eta PIURAren hasierako urrezko arauek PIURAn politikaz eta arraunaz ezin zela hitz egin esaten bazuten ere,
koadrilakoren bat tartean baldin bada salbuespenak egin izan ditugunez, oraingoan ere,
lerro hauek erabili nahi ditut Aser eta konpainiaren ekimenari ongietorria emateko.

Izan ere, Aser, ezberdintasun guztien gainetik, animoak eta besarkada handi bat bidali nahi dizkiat hemendik.
Estimatzekoa duk atzo erakutsi zenuten ausardia, ohiko politikoek, ohi bezala [atzo Donostian, esaterako] benetako arazoekiko paso egiten jarraitzen duten bitartean.
Suerterik onena opa dizuet.
Ustelkeriak jandako herri honetan beti baita albiste ona haize fresko bolada berri bat.

Gari

Pelaio, Pelaio...

Kostako zaigu larunbatean Aserrek prestatutako arkumea baino ezer ederragorik prestatzen, baina aurten iazko titulua behintzat defenditu egin beharko dugula komentatu zuen jendeak larunbatean.
Aser eta Alazne, berriz, baltsa karrerarako ere prest agertu ziren, baina ez da denbora askorik izango aste honetan horretan hasteko.
Paella Lehiaketarena eta ondorengo bazkariarena, berriz, errazagoa da.
Luzatu gabe, bada, berriro ere galderak:
· Zenbat izan gaitezke?
· Sua eta bonbonak lortzeko nola ibiliko gara?
· Blusak garbituta al dituzue?
· Beste proposamenik ba al da?

Eta eutsi astelehenari, datorren astekoa ez da samurragoa izango eta!

PKN

EKAINAREN 17an izango da Mantek eta Eneritzek antolatutako afaria

Atzo, azkenean, koadrilako dozena bat lagun elkartu ginen Xoxoa tabernan, Mante eta Eneritzen deialdiari erantzunez,
eta finkatu genuen afaria egiteko eguna: EKAINAREN 17a, larunbata, sanpelaioen aurreko asteburua.
Soziedaderen batean egingo dugu afaria, eta aurrerago zehaztuko dugu hitzordua.

PKN

UDAKO EGUTEGIA, denon artean osatzeko

Aupa!

Gaur kafe-bilera polita dugu Azken Portun, eta badirudi, aurreko mezuak izan dituen erantzunak ikusita, koadrilako hainbat lagun bilduko garela. Primeran! Bertan zehaztuko dugu Mantek eta Eneritzek egin nahi duten afaria noiz izango den. Dena dela, eguraldi ederra dugu dagoeneko, sargori egiten du, uda gainean da, eta batekin eta bestearekin hitz eginez, eta batez ere aurreko astean Getarian hasita bota genuen parrandaren antzeko gehiago gozatu nahian, UDAKO EGUTEGIA lehenbailehen egitea beharrezkoa iruditu zait, hartara denok jakin dezagun zer dagoen, noiz, eta koadrilako lagunekin noiz izan dezakegun aukera solasean aritzeko, afaltzeko, biltzeko edo parranda egiteko.
Niri, boteprontoan, hauek behintzat okurritzen zaizkit.
Baina guztion artean moldatu, hitz egin eta zehaztu beharko ditugu.
Gero, jakina, plan batzuetara batzuk bakarrik animatuko dira, eta agian beste batzuek plan berriak proposatuko dituzte. Hori da egutegi honen helburua. Hemenik egun batzuetara, gutxi gorabehera, udako egutegia osatuta izatea, elkarrekin noiz, non eta nola egoteko aukera dugun aldez aurretik jakin dezagun, beti ere inprobisazioa gauza ederra dela oso kontuan izanda.

Muxuak denoi.

Gari



EKAINA:
· 17: Koadrilako afaria, Mantek eta Eneritzek antolatuta.
· 23: San Joan bezpera.
· 24: Sanjoanak.
· 25: San Pelaio bezpera: paella lehiaketa, baltsa karrera portutik hondartzara…
· 26, 27: sanpelaioak

UZTAILA:
· 7, 8, 9: sanferminak
·

ABUZTUA:
· 10, 11, 12: Azken Portuko jaiak.


IRAILA:
· 9: Euskal Jai eguna.
· 23: Manteren despedida (???)

URRIA:
· 7: Eneritz eta Manteren ezkontza.
· 21: Koadrilen Eguna.


Hauez gain, honako hauek ere geratzen zaizkigu:

—Arrantza Eguna.
—Udan egin beharreko afariren bat edo beste…

Bihar, asteartea, kafea afari-fetxa jartzeko

Jakingo duzuenez pasa den ostiralean Mantek antolatu nahi zuen afaria bertan behera joan zen jendearen agenda arazoak zirela-ta. Hori dela eta Asteartean kafetxo bat hartzeko geratzea okurritu zitzaion "zumaiarra"ri, 21.30tan Xoxoa tabernan. Zenbat eta jende gehiago egon fetxa hobea aukeratuko dugula bota zigun. Beraz, badakizue, ahal duzuenak.........
BIHAR, ASTEARTEA, 21.30TAN XOXOA TABERNAN.