bost egun eta gero, oraintxe 'konektatu' naiz berriro ere errealitatera, mundura, sarera, egunerokotasunera...
igande goizean koadrilako lauzpabost lagunei mezua bidali nien, eta honezkero gehienok badakizue, baina, tira, gainerakoentzat ere hemen doa 'ofizialki' jakinarazpena:
igande goizaldean jaio zen araitz, 05:42an, 2.740 kg-ko pisuarekin.
dena primeran, egia esan.
arratsaldeko 17:00etan joan ginen ospitalera, eiderrek dagoeneko izarrak ikusteko moduko kontrakzioak zituelako. 23:00ak aldera arte aguantatu genuen horrela, gehiago ezin eta paritoriora bidali gintuzten arte. han epidurala eskatu, eta ordudanik eiderrek dioen moduan,
"erditzez gozatu egin genuen", 05:20ak aldera haurra kanporatzeko bultzadekin hasi eta araitz jaio arte.
ordutik aurrera ere, ez gaude kexatzeko moduan oraingoz, ohi baino lo gutxixeago egiten dugun arren. ;-)
eider, gainerakoan, ondo. puntuak osatzen, baina animatuta.
guraso zaretenoi ez dizuet ezer berririk esango, baina gainerakoei, benetan, animatu dediooooooo!
flipe bat da hau.
hemen doazkizue igande arratsaldeko hiru argazki, araitz jaio eta ordu batzuetara ateratakoak, ospitaleko logelan. erditzearen argazkiak ere baditut, baina horiek ez ditut hemen jarriko...
besarkadak guztiontzat!!!
gaRi*
8 comentarios:
K buena!!!
Beste martziano bat munduan!
Deben estar ahi fuera....
Laster arte.
OOOOOOOOOOOOOOOOOOhhhh!!!! Martziano gudari hauek asko atsegin ditut!
Gari, zorionak, aita hi haizela segurua duk eta.
Hirugarren argazkiko Araitz bezalakoa imajinatzen haut hi jaio berritan.
Earra begi puskak!!!! Peruk ere ikusi ditu argazkiak eta pertsonalki ezagutu omen nahi du. Laster gea Gatai aldian bixitan!!!
Aurreko mezua bidali duena: Alazniet
Halaaaa....lerdea dariola imaginatzen zaituztet bioi!!! Politta benetan. Getaitik pasako gaituk bixitan.
Zorionak famili. Goxatu momentu polit hauek.
Aitatxo zein den garbi dago. Hori da hori gogoa ipintzea Gari ....
Nerea.
Publicar un comentario